आज देशासमोर अनेक समस्या आहेत. जनतेचे लक्ष हटवण्याचा केंद्र सरकार प्रयत्न करत आहे. वारंवार हिंदू म्हंटल्यानं कुणाचं हिंदूत्व मोठं होत नाही. सातत्याने भाजप प्रमुख मुद्द्यांवरून लक्ष हटवण्याचा प्रयत्न करत असते, असा हल्लाबोल कॉंग्रेसचे नाना पटोले यांनी केला. आज शिर्डी येथील दुसऱ्या दिवशी कॉंग्रसेच्या चिंतन शिबीरात ते बोलत होते. (nana patole latest news)

यावेळी बोलताना त्यांनी केंद्रातील भाजप सरकारवर निशाणा साधला. ते म्हणाले, भाजप प्रमुख मुद्द्यांवरून लक्ष हटवण्याचा प्रयत्न करत हे चुकीच आहे. यामुळे देशातील संविधानालाही धक्का बसण्याची शक्यता आहे. त्यामुळे भाजपने हे काम बंद करुन देशासाठी योग्य ते निर्णय घेण्याची आवश्यकता आहे, असेही त्यांनी स्पष्ट केलं. भाजप देशातील धार्मिक सौदार्ह ढवळून काढत असल्याचा घणाघातही त्यांनी केला आहे.

पुढे ते म्हणाले, देशासमोर अनेक समस्या आहेत. आज सांयकाळी जाहीर सभेमध्ये कॉंग्रेसची पुढची भूमिका मांडणार आहे आणि केंद्रातील भाजप सरकारमुळे देशाचं किती मोठं नुकसान झालं आहे, याची माहितीही या सभेत देणार असल्याचा इशारा त्यांनी दिला आहे.