मुंबई : दिवसेंदिवस महागाई वाढत चालली आहे. त्यामुळे सर्वसामान्य माणसांचे जगणे मुश्किल झाले आहे. दररोज पेट्रोल-डिझेलचेही दरवाढ होत आहे. तसेच किराणापासून, पालेभाज्या ते सर्वच वस्तूंच्या किंमतीत वाढ होताना दिसत आहे. काँग्रेस पक्षाचे महागाई विरोधात देशभर आंदोलने चालू आहे. दुसरीकडे राज्यातील राष्ट्रवादी काँग्रेस पक्ष (Congress Party) आणि शिवसेनेकडून आंदोलने होत आहेत. काँग्रेसचे प्रदेशाध्यक्ष नाना पटोले (Nana Patole) यांनी महागाईवरुन केंद्रातील नरेंद्र मोदी सरकारवर टीका केली आहे. (Nana Patole Said, Modi Government Takes Money Of Public)

पटोले आपल्या ट्विटमध्ये म्हणाले, की एका वर्षात डिझेलचा भाव २५ रुपयांनी भडकला. आज पेट्रोल-डिझेलच्या दरात आणखी ८० पैशांच्या वाढीसह आठवाड्याभरात इंधनात ८ रुपयांची दरवाढ ! पाकिटमार मोदी सरकार, असा हल्लाबोल नाना पटोले यांनी मोदींना केला आहे.

महागाई (Inflation) वाढत असताना सरकारकडून जनतेला दिलासा काही मिळताना दिसत नाही. मात्र सर्वसामान्य माणसाचे कंबरडे मोडले आहे. खर्चाला किती कात्री लावायची हा ही प्रश्न त्याच्या समोर उभा आहेच.