मुंबई : शरद पवार आमचे नेते आहेत आणि त्यांना भेटण्याचा मला अधिकार आहे. मी नेहमी आनंदातच असतो. मी राष्ट्रवादी काँग्रेसमध्ये आहे आणि राष्ट्रवादीतच राहणार, असे राष्ट्रवादी काँग्रेसचे नेते अजित पवार यांनी म्हटले आहे.
राज्यातील जनतेला एकामागून एक धक्के देणाऱ्या राजकीय नाट्याचा अखेरचा अंक मंगळवारी सुरू झाला. अजित पवारांनी ऐनवेळी साथ दिल्याने स्थापन झालेले देवेंद्र फडणवीस सरकार, त्यांनीच ऐनवेळी साथ सोडल्याने कोसळले. सत्ता स्थापण्यास उत्सुक असलेल्या महाविकास आघाडीने हातातोंडाशी आलेला घास पुन्हा न गमाविण्यासाठी वेगवान हालचाली करत अधिकृतपणे आघाडीची घोषणा केली आणि लगोलग शिवसेनेचे पक्षप्रमुख उद्धव ठाकरे यांच्या नेतृत्वाखाली सत्तास्थापनेचा दावा केला. २८ नोव्हेंबरला संध्याकाळी ५ वाजता शिवाजी पार्कवर ठाकरे मुख्यमंत्रिपदाची शपथ घेतील. ‘सर्व काही जनतेच्या हितासाठी’ या नावाखाली घडणाऱ्या या अतिवेगवान राजकीय घडामोडींमुळे सामान्य जनताही अवाक् झाली. आज आमदारांचा शपथविधी होत आहे. त्यानिमित्त सुप्रिया सुळेही विधानभवनात उपस्थित होत्या.
मला आता काही बाकी बोलायचे नाही. लवकरच याबाबत मी स्पष्ट करेन. मी राष्ट्रवादीतच कायम राहणार आहे. आमचे काही बंड नव्हते. राष्ट्रवादीने माझी हकालपट्टी केली नव्हती, तुम्ही कुठे वाचले का. आमचा पक्ष जो सांगेल तसे होईल, असे अजित पवार यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.