मुंबई : भाजपसोबत गेलेले उपमुख्यमंत्री अजित पवार यांच्यासोबत गेलेल्या राष्ट्रवादी काँग्रेसमधील दोन आमदारांनी पुन्हा पक्षात परत आल्यानंतर घडलेल्या घडामोडींविषयी माहिती दिली.
आज (सोमवार) राष्ट्रवादीचे गायब असलेले तीन आमदार पुन्हा मुंबईत परतले आहेत. त्यांनी आम्ही शरद पवार यांच्यासोबत असल्याचे स्पष्ट केले आहे. त्यामुळे राष्ट्रवादीचे आता 54 पैकी 51 आमदार शरद पवारांच्या पाठिशी असल्याचे दिसत आहे. अजित पवारांच्या पाठिशी आता त्यांच्यासह फक्त तीन आमदार आहेत.
आम्ही शरद पवार यांच्यासोबत आहोत. आम्ही गायब होतो अशा अफवा पसरविण्यात येत आहेत. आम्ही दिल्लीत होतो. तेथून आम्ही शरद पवार आणि सुप्रिया सुळे यांच्या संपर्कात होतो. आम्हाला कोणी घेऊन गेले नव्हते. भाजप आणि राष्ट्रवादीचे सरकार बनणार असे आम्हाला सांगितले होते, असे आज परतलेल्या दौलत दरोडा यांनी सांगितले.
तर, अनिल पाटील म्हणाले, की गेल्या दोन दिवसांपासून आमच्यावर आरोप होतो, फुटीरवादी. पण असे काही नाही. अजित पवारांनी बोलविल्यामुळे आम्ही तेथे गेलो होतो. तेथे शपथविधी झाल्यानंतर आम्ही दिल्लीला गेलो. तेथून पवारसाहेबांना फोन केला आणि त्यांना पक्षाची भूमिका विचारली. त्यांनी आपण शिवसेना आणि काँग्रेससोबत असल्याचे सांगितले. आमची सुटका करावी, असे आम्ही शरद पवारांना सांगितल्यानंतर आमची सुटका करण्यात आली. आम्ही गेलो होतो तेथे भाजप कार्यकर्ते आणि पोलिस होते. पवारसाहेबांना पाठविलेल्या कार्यकर्त्यांमुळे आम्ही बाहेर पडू शकलो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.