मुंबई : अजित पवारांनी केलेल्या बंडामुळे व्यथित झालेल्या राष्ट्रवादीच्या खासदार सुप्रिया सुळे यांनी आज (रविवार) शरद पवारांचा साताऱ्यातील त्या पावसातील सभेचा फोटो स्टेट्सला ठेवून पुन्हा आपण मिळून पुन्हा नव्याने टीम बांधू असे म्हटले आहे.
देवेंद्र फडणवीस यांनी अजित पवारांच्या साथीने काल (शनिवार) मुख्यमंत्री आणि उपमुख्यमंत्रीपदाची शपथ घेतली होती. यानंतर महाराष्ट्राच्या राजकारणात भूकंप झाला होता. अजित पवारांनी काही आमदारांसह राजभवनात शपथ घेतल्यानंतर राष्ट्रवादीने आपला याला पाठिंबा नसल्याचे स्पष्ट केले होते. तसेच सुप्रिया सुळे यांनीही पक्षात आणि कुटुंबात फूट पडल्याचे स्टेट्स ठेवले होते. सुप्रिया सुळेंच्या डोळ्यात अश्रू तरावले होते. आता आज पुन्हा एकदा स्टेट्स ठेवून कार्यकर्त्यांना प्रेरणा दिली आहे.
शरद पवार यांचे साताऱ्यातील पावसातील सभेचा फोटो ठेवताना त्यांना हे चित्र आयुष्यभर लढण्याची, संघर्ष करण्याची प्रेरणा देत राहील, असे म्हटले आहे. तसेच द टेलिग्राफ या वृत्तपत्राने शनिवारच्या सत्तानाट्यावर मुख्य बातमीचे 'We the idiots' असे शिर्षक केल्याचेही कात्रण ठेवले आहे. त्यानंतर स्टेट्सला लिहिताना त्या म्हणतात, की तत्वांचा कधीच पराभव होत नाही. प्रामाणिकपणा आणि कठोर परिश्रम कधीच वाया जात नाहीत. मार्ग कठीण असला तरी भविष्यासाठी फायद्याचा असतो. आयुष्यातला एखादा दिवस आपल्याला आणखी कणखर बनवत असतो. या कठीण काळातून आपण सगळे बाहेर येवू. स्वाभिमान बाळगा! सत्याच्या बाजूने रहा! प्रामाणिकपणा, नैतिकता आणि कष्ट यांची ताकद उद्या लोकांची सर्वोत्तम सेवा करण्याचं बळ देतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.