नागपूर : स्थानिक स्वराज्य संस्थांमधील ओबीसी आरक्षणावर (OBC Reservation) सुप्रीम कोर्टानं (Supreme Court) आपली भूमिका स्पष्ट केल्यानंतर आता राज्यातील राजकीय पक्ष निवडणुकीच्या तयारीला लागले आहेत. राष्ट्रवादी काँग्रेसनं (NCP) यामध्ये आघाडी घेतली आहे. गृहमंत्री आणि राष्ट्रवादीचे नेते दिलीप वळसे-पाटील (Dilip Walase Patil) यांनी ही माहिती दिली, ते नागपूरमध्ये माध्यमांशी बोलत होते. (NCP starts preparations for elections after SC decision on OBC reservation)

वळसे म्हणाले, राज्यातील स्थानिक स्वराज्य संस्थांच्या निवडणुकीची तयारी आम्ही सुरु केली आहे. नागपूरमधील निवडणुकांसाठी इतर कोणत्या पक्षांसोबत युती करायची का? याची आम्ही पक्षांतर्गत चर्चा करणार आहोत. त्याचबरोबर फोन टॅपिंग प्रकरणी पत्रकारांनी विचारलं असता याप्रकरणी चौकशी सुरु असल्याचं त्यांनी स्पष्ट केलं.