नवी दिल्लीः शिवप्रतिष्ठानचे संस्थापक संभाजी भिडे गुरुजींविषयी बोलण्याची कुणाची लायकी नाही, असे सातारचे खासदार उदयनराजे भोसले यांनी सांगत भिडे यांच्याविषयी आदर व्यक्त केला.

कोरेगाव भीमा येथे झालेल्या दंगलीबाबत एका वृत्तवाहिनीशी बोलताना उदयनराजे म्हणाले, 'कोरेगाव भीमा प्रकरणानंतर बोलताना संभाजी भिडे गुरुजी रडले. संभाजी भिडे गुरुजींविषयी बोलण्याची कुणाची लायकी नाही.

त्यांचे काम मला चांगले माहित आहे. त्यांच्याबद्दल आदर असून, ते मॅथेमॅटिक्स विषयात एक नंबर आहेत. आपण त्यांच्या पाठिशी आहोत.'

हिंदू एकता आघाडीचे मिलींद एकबोटे माझा मित्र आहेत. आमदार जितेंद्र आव्हाड सुद्धा मित्र असून, त्यांनी काही बोलण्यापूर्वी विचार करायला हवा. हिंसाचारामुळे दोन हजार कोटींचं नुकसान झाले, अशी उद्रेक करणारी

वक्तव्यं करु नयेत. वैयक्तिक स्वार्थासाठी असे प्रकार करणे चुकीचे आहे. जातीच्या आधारावर देशाचे तुकडे होण्याआधी माझे डोळे मिटलेले बरे, असेही उदयनराजे म्हणाले.