मुंबई : महामुंबईसह संपूर्ण कोकणात पुढील चार ते पाच दिवसात मुसळधार ते अतिमुसळधार पावसाची शक्‍यता आहे. सोमवारपासून महामुंबईत पावसाचा जोर वाढण्याची शक्‍यता आहे. काही भागात तब्बल 200 मिमीपर्यंत पाऊस होण्याची शक्‍यता असून सर्व यंत्रणांना सज्जतेचा इशारा देतानाच ऑरेंज अलर्ट जारी केला आहे.
रत्नागिरी-सिंधुदुर्ग जिल्ह्यात बुधवारपर्यंत सलग मोठ्या पावसाची शक्‍यता आहे, तर मुंबई, ठाणे, पालघर जिल्ह्यात सोमवारपासून बुधवारपर्यंत मुसळधार ते अतिमुळधार शक्‍यता वर्तवण्यात आली आहे. काही भागात 200 मिमी पर्यंत पाऊस होण्याची शक्‍यता आहे. अतिवृष्टीची शक्‍यता लक्षात घेऊन वेधशाळेने सर्व यंत्रणांना सज्ज राहाण्याची सूचना केली आहे. त्यानुसार नाविकदल, तटरक्षक दल, राष्ट्रीय आपत्नी निवारण दलास तैनात ठेवण्यात आले आहेत.
"मुंबई, ठाणे, नवी मुंबईसह कोकणात पुढील 4 ते 5 दिवस मुसळधार ते अतिमुसळधार पाऊस होण्याची शक्‍यता आहे. सोमवारपासून पावसाची जोर वाढणार असून घाट भागात अतिमुसळधार पावसाची शक्‍यता आहे, असे मुंबई वेधशाळेचे उपमहाव्यवस्थापक के.एस.होसळीकर यांनी सांगितले.
ठाणे-भिवंडी-कल्याण मेट्रो आणखी लांबणीवर; प्रकल्पाचे केवळ चार टक्केच काम पूर्ण..
रविवार उकाड्याचा
मुंबईत आज कुलाबा येथे 23 मि.मी पाऊस नोंदविण्यात आलेला आहे. तर सांताक्रुझ येथे पावसाची नोंद झाली नाही. कुलाबा येथे आज कमाल 30.8 आणि किमान 26 अंश सेल्सिअस तापामानी नोंद झाली आहे. सांताक्रुझ येथे 32.9 अंश कमाल आणि 25.6 अंश सेल्सिअस किमान तापमानाची नोंद झाली आहे. पुढील 24 तास तापमान याच पातळीवर राहाण्याचा अंदाज आहे. उपनगरात आज दुपारी उन्हाच्या झळा जाणवत होत्या. रविवारीही नागरीकांना उन्हाच्या झळा सोसाव्या लागणार आहेत.
----
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.