मुंबईचे माजी पोलीस आयुक्त परमबीर सिह यांना 12 ऑक्टोबर रोजी चौकशीसाठी प्रत्यक्ष हजर राहण्याची नोटीस मुंबई पोलिसांनी दिली आहे. त्यांच्या मलबार हिल इथल्या निवासस्थानी ही नोटिस लावण्यात आली आहे. खंडणीच्या एका गुन्ह्यात सिंह यांची चौकशी करायची असून परमबीर सिंह हे सध्या घरी उपस्थित नसल्याचे पोलिसांनी सांगितले आहे.

गेल्या काही आठवड्यापासून परमबीर सिंग देशाबाहेर गेल्याचे वृत्त आहे. सिंग नक्की कुठे आहे याची माहिती नसल्याचे विधान गृहमंत्री दिलीप वळसे पाटील यांनी काही दिवसापूर्वी केले होते. परमबीर सिंग याच्यावर पाच पेक्षा अधिक गुन्हे दाखल असून त्याची चौकशी सुरू आहे.

मुंबई पोलिसांच्या गुन्हे शाखा गोरेगाव पोलीस स्टेशनमध्ये दाखल झालेल्या खंडणीच्या प्रकरणात चौकशी करत आहे, या प्रकरणात त्यांना सिंह यांना प्रश्न विचारायचे आहे, असे पोलिसांकडून सांगण्यात आले आहे.