देशात राष्ट्रपतीपदाची निवडणुक 17 जुलै रोजी होणार आहे. दरम्यान, शिवसेना खासदार संजय राऊत यांनी राष्ट्रपती निवडणुकीसाठी भाजप नेते मुख्यमंत्र्यांसोबत चर्चा करत आहेत. असा खुलासा केला आहे.(Sanjay Raut News)

देशात १८ जुलै रोजी राष्ट्रपती पदासाठी निवडणूक होणार आहे. तत्पूर्वी सत्ताधारी आणि विरोधी पक्षांमध्ये बैठकीचा सिलसिला सुरू झाला आहे. दरम्यान, राष्ट्रपतीपदाच्या निवडणुका संदर्भात संजय राऊत यांनी माध्यमांशी संवाद साधला. यावेळी त्यांनी राष्ट्रपती निवडणुकीसाठी भाजप नेते मुख्यमंत्र्यांसोबत चर्चा करत आहेत. अशी माहिती दिली. (President Election News)

खासदार जास्त असल्याचा भाजपला फायदा आहे. विरोधकांकडे पुरेसे संख्याबळ नाही. त्यामुळे भाजप १०० मतांनी पुढे असेल. असे वक्तव्य संजय राऊत यांनी केलं आहे.

मिळालेल्या माहितीनुसार, भाजपचे ज्येष्ठ नेते आणि केंद्रीय संरक्षण मंत्री राजनाथ सिंह यांनी महाराष्ट्राचे मुख्यमंत्री उद्धव ठाकरे यांच्याशी फोनवरुन चर्चा केली. फोनवरुन झालेल्या या संवादात राजनाथ सिंह यांनी राष्ट्रपतीपदाच्या निवडणुकीत एनडीएच्या उमेदवारासाठी उद्धव ठाकरेंकडे पाठिंबा मागितल्याचे सांगण्यात येत आहे.

१८ जुलै रोजी देशात राष्ट्रपतीपदासाठी मतदान होणार आहे. त्यानंतर २१ जुलैला निकाल येईल. संविधान नियमानुसार, देशात विद्यमान राष्ट्रपतींचा कार्यकाळ संपण्याआधीच पुढील राष्ट्रपतीपदासाठी निवडणूक होणार आहे.

भारताचे राष्ट्रपती रामनाथ कोविंद यांचा कार्यकाळ २४ जुलै रोजी संपणार आहे. आकडेवारीचं गणित लावलं तर भाजप लोकसभा आणि राज्यसभेत मजबूत स्थितीत आहे. त्याशिवाय अनेक राज्यात भाजपाचं सरकार आहे.