मुंबई : गेल्या काही दिवसांपासून महाराष्ट्रात एकाच व्यक्तीचं नाव वारंवार कानावर पडत आहे, ते म्हणजे शिवसेनेचे राज्यसभा खासदार संजय राऊत. आज त्यांचा 58 वा वाढदिवस असल्याने त्यांच्या चाहत्यांनी त्यांच्यावर शुभेच्छांचा वर्षाव केला.
वाढदिवसाचे निमित्त साधत राऊत यांच्या मुलीने पूर्वशीने आपल्या लाडक्या पप्पांना वाढदिवसाच्या हटके शुभेच्छा दिल्या आहेत. पूर्वशीने फेसबुक या सोशल साईटवर एक पोस्ट लिहली आहे. तिने लिहलं आहे की, ''लोकांसाठी जरी तो चाणक्य किंवा बिरबल असला तरी आमच्यासाठी मात्र तो फक्त आमचा बाबा आहे...!''
संजय राऊत हे शिवसेनेचं मुखपत्र असलेल्या दैनिक सामनाचे कार्यकारी संपादक आहेत. एकटाकी अग्रलेख लिहणारा संपादक अशीही त्यांची ओळख आहे. त्यांचा हाच गुण त्यांच्या मुलीने लिहलेली ही पोस्ट वाचताना दिसून येतो. राऊत हे कुटुंबासोबत असताना कसे राहतात, त्यांचे वेगवेगळे पैलू पूर्वशीने थोडक्यात मांडण्याचा प्रयत्न केला आहे.
संजय राऊत यांना पूर्वशी आणि विदीता या दोन मुली आहेत. त्यांच्या पत्नी वर्षा राऊत या शिक्षिका आहेत. गेल्या काही दिवसांपासून सतत कामात व्यस्त असलेल्या राऊत यांच्यावर कामाचा ताण आल्यामुळे दवाखान्यात अॅडमिट करण्यात आले होते. त्यानंतर त्यांची अॅजिओप्लास्टी करण्यात आली. त्यामुळे राऊत यांचे हितचिंतक आणि शिवसैनिकांनी त्यांना दीर्घायुष्य लाभावे, या शुभेच्छाही त्यांना दिल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.