मुंबई - अभिनेता सुशांतसिंह राजपूत आणि दिशा सालियन यांच्या मृत्यू प्रकरणात सीबीआयने शिवसेनेचे नेते आणि माजीमंत्री आदित्य ठाकरे यांना काही दिवसांपूर्वीच क्लिनचीट दिली आहे. या प्रकरणात नारायण राणे कुटुंबाकडून सातत्याने आदित्य ठाकरे यांचं नाव घेतलं होतं. मात्र आता या प्रकरणात शिंदे गटाचे खासदार राहुल शेवाळे यांनी उडी घेतली. मात्र हे प्रकऱण त्यांना चांगलचं महागात पडत असल्याचं चित्र आहे. राहुल शेवाळेंचे ते व्हिडीओ व्हायरले करण्यात आले आहेत. ( Rahul Shewale news in Marathi)

राज्यात सत्तांतर झाल्यानंतर राहुल शेवाळे यांच्यावर जुलै महिन्यात बलात्काराचे आरोप झाले होते. तरुणीने थेट एकनाथ शिंदे यांच्याकडे तक्रार केली होती. तेव्हा मोठा वाद झाला होता. त्यानंतर शेवाळे यांनी शिंदे गटात प्रवेश केला होता. आता ठाकरे गटाकडून राहुल शेवाळे यांचे त्याच तरुणीसोबतचे व्हिडीओ व्हायरल करण्यात आले आहेत. यात ते तरुणीला लीप किस करताना दिसून येतात. त्यामुळे शेवाळे यांना आदित्य ठाकरेंवरील टीका महागात पडल्याचं चित्र आहे.

खासदार राहुल शेवाळे यांचे व्हिडिओ याआधीही व्हायरल झाले होते. मात्र आता पुन्हा राहुल शेवाळे ट्रोल होतायेत. आदित्य ठाकरे यांनी देखील शेवाळे यांच्यावर खोचक टीका केली आहे. आदित्य ठाकरे म्हणाले की, शेवाळे यांचं लग्न आम्ही कस वाचवलं हे आम्हालाच माहित आहे.

दुसरीकडे मुख्यमंत्री एकनाथ शिंदे यांनी देखील राहुल शेवाळेच्या मागणीनंतर दिशा सालियन प्रकरणाची चौकशी कऱण्याचे संकेत दिले आहेत. या प्रकरणाची माहिती घेऊन बोलतो, असं म्हणाले.