मुंबई : पत्राचाळ घोटाळ्याप्रकरणी शिवसेनेचे खासदार संजय राऊत (Sanjay Raut) यांना ईडीने अटक (Arrest) केली आहे. ईडीने संजय राऊत यांना न्यायालयात हजर केले असता ४ ऑगस्टपर्यंत ईडी कोठडी सुनावली. यापूर्वी शिवसेना पक्षप्रमुख उद्धव ठाकरे यांनी संजय राऊत यांच्या घरी जाऊन कुटुंबीयांची भेट घेतली. दुसरीकडे महाराष्ट्राचे मुख्यमंत्री व शिवसेनेचे बंडखोर नेते एकनाथ शिंदे यांनी संजय राऊत यांची खिल्ली उडवली आहे. आता सकाळी ८ वाजताचा भोंगा बंद झाला, असे ते म्हणाले. राऊतांच्या अटकेपासून उद्धव ठाकरे ज्या प्रकारे सक्रिय झाले आहेत, त्यावरून शिवसेनेसाठी (Shiv Sena) हा मुद्दा किती गंभीर आहे, हे स्पष्ट होते. (Sanjay Raut Latest Marathi News)

संजय राऊत यांची गणना उद्धव ठाकरे यांच्या जवळच्या नेत्यांमध्ये केली जाते. २०१९ च्या विधानसभा निवडणुकीनंतर सरकार स्थापनेपासून ते एकनाथ शिंदे गटातील बंडखोरीपर्यंत संजय राऊत चर्चेत आहे. राऊतांकडून सतत वक्तव्ये येत होती की, त्यांचा आवाज उद्धव ठाकरेंचा आहे. एकनाथ शिंदे गटही उद्धव ठाकरेंऐवजी थेट संजय राऊत (Sanjay Raut) यांच्यावर हल्ला करीत होता. तसेच संजय राऊत यांच्यावर उद्धव ठाकरेंना गोंधळात टाकल्याचा आरोपही केला आहे. यावरून उद्धव ठाकरेंच्या शिवसेनेत (Shiv Sena) संजय राऊत यांची उंची किती आहे हे समजू शकते.

ठाकरे कुटुंबाला कोणीही नष्ट करू शकत नाही. संजय राऊत यांची अटक (Arrest) म्हणजे आमचा आवाज दाबण्याचा प्रयत्न आहे. आता पुरे झाले. हे योग्य नाही. प्रदीर्घ चौकशीनंतर ईडीने रविवारी रात्री उशिरा संजय राऊत यांना अटक केली. त्याच्या घरातून ११.५० लाखांची रोकड जप्त केली आहे. यामुळे संजय राऊतांचे पुढे काय होणार हेच पाहायचे आहे.

उद्धव ठाकरे गटाचा सर्वाधिक चर्चेतील चेहरा

नुकतीच संजय राऊत यांनी ‘सामना’साठी उद्धव ठाकरेंची मुलाखतही घेतली होती. त्यामध्ये शिवसेना पक्षप्रमुखांनी एकनाथ शिंदे यांच्यावर टीका केली होती. उद्धव ठाकरे हे वडील बाळासाहेब ठाकरे यांच्यासारखे स्पष्टवक्ते आणि आक्रमक विधाने करीत नाही. मात्र, संजय राऊत हे नेहमीच कट्टर आणि भडक शिवसैनिकाच्या भूमिकेत दिसले आहे. त्यामुळेच राऊत हे उद्धव ठाकरे गटाचा सर्वाधिक चर्चेचा चेहरा ठरला आहे.

शिवसेनेचा अधिकृत आवाज

संजय राऊत हे शिवसेनेचे मुखपत्र सामनाचे संपादक आहे. त्यामुळेच ते शिवसेनेचा अधिकृत आवाजही मानले गेले आहे. एकनाथ शिंदे गटाच्या बंडाच्या काळात ते दररोज मीडियाला भेटून किंवा ट्विटरच्या माध्यमातून हल्ले करायचे. पक्षात फूट पडली तरी उद्धव आणि आदित्य ठाकरे यांच्यानंतर संजय राऊत हे एकमेव मोठे नेते आहे.

शिवसेना कशी प्रत्युत्तर देणार?

संजय राऊत यांना ईडीने अटक करणे म्हणजे उद्धव ठाकरे यांच्या अगदी जवळ जाऊन हल्ला केल्यासारखे आहे. अशा स्थितीत बंडखोरीपासून ते सरकार गमावण्यापर्यंतच्या संकटाचा सामना करणारी शिवसेना आता कशी प्रत्युत्तर देते, हे पाहावे लागेल. संजय राऊत यांनी याआधीच नतमस्तक होणार नसल्याचे सांगून आपले इरादे व्यक्त केले आहे.