मुंबई : उद्धव ठाकरे यांनी राजीनामा देताच शिवसेनेचे नेते व खासदार संजय राऊत (Sanjay Raut) यांनी ट्विट करायला सुरुवात केली आहे. पहिल्या ट्विटमध्ये त्यांनी ‘हे दिवस निघून जाईल’ असे म्हटले तर दुसऱ्या ट्विटमध्ये ‘शिवसेनेच्या भव्य विजयाची ही सुरुवात आहे’ असे म्हटले आहे. (Sanjay Raut said, lets keep Balasahebs Shiv Sena alive)

‘उद्धव ठाकरे हे मुख्यमंत्रिपदावरून अत्यंत कृपापूर्वक (gracefully) पायउतार झाले. आपण एक संवेदनशील सुसंस्कृत मुख्यमंत्री गमावला आहे. दगाबाजीचा अंत चांगला होत नाही असे इतिहास सांगतो. ठाकरे जिंकले जनमानस देखील जिंकले. शिवसेनेच्या भव्य विजयाची ही सुरुवात आहे. लाठ्या खाऊ. तुरुंगात जाऊ. पण बाळासाहेबांची शिवसेना धगधगत ठेवू!’ असे ट्विटमध्ये संजय राऊत (Sanjay Raut) म्हणाले.

तीन ते साडेतीन तास चाललेल्या सुनावणीनंतर सुप्रीम कोर्टाने शुक्रवारी (ता. ३०) बहुमत चाचणीस परवानगी दिली. यानंतर मुख्यमंत्री उद्धव ठाकरे यांनी नागरिकांशी संवाद साधत मुख्यमंत्रिपदाचा राजीनामा दिला. राजीनाम्यानंतर विरोधकांनी जल्लोष करायला सुरुवात केली. यातून याचीच ते वाट पाहत असल्याचे दिसून आले.

दुसरीकडे मुख्यमंत्र्यांनी पुन्हा शिवसेना उभी करणार असल्याचे सांगितले. तसेच संकेत ट्विटच्या माध्यमातून संजय राऊत देत असल्याचे पाहायला मिळत आहे. लाठ्या खाऊ... तुरुंगात जाऊ... पण बाळासाहेबांची शिवसेना (Shiv sena) धगधगत ठेवू!’ असे ट्विटच्या माध्यमातून संजय राऊत (Sanjay Raut) म्हणाले.