सिंधुदुर्ग जिल्ह्यातील कणकवलीतील (Kankavali) शिवसैनिक संतोष परब (Santosh Parab) हल्ला प्रकरणी भाजपचे आमदार नितेश राणे (Nitesh Rane) यांनी अटकपूर्व जामिनासाठी सर्वोच्च न्यायालयात (Supreme Court) धाव घेतली आहे. याप्रकरणी आज सुनावणी होणार आहे. यापूर्वी हायकोर्टानं त्यांचा जामीन फेटाळला होता. मात्र आज न्यायालयात नितेश राणे यांच्याकडून मुकुल रोहतगी हे बाजू मांडणार असल्याची माहिती मिळत आहे. (Nitesh Rane News Updates)

दरम्यान, नितेश राणे सध्या सिंधुदुर्ग पोलिसांना (Sindhudurg Police) तपासात सहकार्य करताना दिसत आहेत. मध्यंतरी नितेश राणे हे अज्ञातवासात गेले होते. पण राज्यसरकारने न्यायालयात (Maharashtra Government) सुनावणी संपेपर्यंत अटक करणार नाही, अशी ग्वाही दिल्यानंतर ते माध्यमांसमोर आले होते. (Santosh Parab attack case)

काय आहे नेमकी घटना ?

जिल्हा बँक निवडणूक प्रकरणी राजकीय संघर्षातून शिवसैनिक संतोष परब यांच्यावर जीवघेणा हल्ला झाला होता. हा हल्ल्यामागे आमदार नितेश राणे यांचा हात असल्याचा आरोप परब यांनी केला होता. याप्रकरणी नितेश राणे यांच्यावर गुन्हाही दाखल करण्यात आला होता. या प्रकरणात आपल्याला अटक होऊ नये म्हणून सुरुवातीला नितेश राणे यांनी सिंधुदुर्ग सत्र न्यायालयात अटकपूर्व जामिनासाठी अर्ज दाखल केला होता. त्यानंतर त्यांनी हायकोर्टातही (High Court) धाव घेतली पण दोन्हीकडे नितेश राणे यांना दिलासा मिळाला नाही. पण पुढच्या सुनावणीपर्यंत त्यांना अटक करु नये असंही हायकोर्टानं म्हटलं होतं. त्यामुळं राणेंना काहीसा दिलासा मिळाला होता. पण आता त्यांनी अटकपूर्व जामिनासाठी सुप्रीम कोर्टात याचिका दाखल केली आहे.