नाशिक पदवीधर मतदारसंघ निवडणुकीवरुन राज्यात राजकीय घडामोडींना वेग आला आहे. कॉंग्रेस नेते सत्यजित तांबे लवकरच पक्षाला राम राम ठोकणार असल्याच्या चर्चेला उत आला आहे. नाशिक पदवीधर मतदारसंघातील अपक्ष उमेदवार सत्यजीत तांबे यांच्यावर पक्षाकडून निलंबनाची कारवाई होण्याची शक्यता असतानाच आता तांबे यांनीच पक्षापासून फारकत घेण्याचे संकेत दिले आहेत.(Satyajeet Tambe social media profile change Congress not mentioned )

नाशिक पदवीधर मतदारसंघाच्या निवडणुकीसाठी काँग्रेसनं सुधीर तांबे यांना एबी फॉर्म देऊनही त्यांनी वेळेवर अर्ज न करता मुलगा सत्यजीत तांबे यांनी अपक्ष उमेदवारी दाखल केल्याने पक्षाने त्यांना निलंबित केले आहे. त्यानंतर आता सत्यजीत तांबे यांच्याही निलंबनाचे संकेत देण्यात आहेत.

Marathwada University : दहा वाजता पेपर पण अद्याप हॉल तिकीट नाही; मराठवाडा विद्यापीठाचा भोंगळ कारभार

दरम्यान, त्यांनी सोशल मीडियावरील आपले प्रोफाइल बदलले असून ट्विटर डीपी आणि बायोमधून काँग्रेस पक्षाचा उल्लेख काढून टाकला आहे. त्यामुळं तांबे कॉँग्रेसला राम राम करणार हे स्पष्ट झाले आहे. अशा चर्चेला राजकीय वर्तुळात उधाण आलं आहे.

तांबे घराने अनेक वर्षांपासून काँग्रेसशी एकनिष्ट मानले जात होते. मात्र, पदवीधर निवडणुकीपासून नाशिकमध्ये राजकीय घडामोडी तीव्र झाल्या असून तांबे यांनी पक्षाचा आदेश न मानता सत्यजित तांबे यांना अपक्ष उमेदवार म्हणून उभे केल्याने कॉँग्रेसमध्ये फूट पडली आहे.

नाशिक पदवीधर मतदारसंघाच्या निवडणुकीसाठी उमेदवारी अर्ज माघारी घेण्याचा कालचा शेवटचा दिवस होता. काँग्रेस पक्षाने पाठिंबा काढून घेतल्यामुळे सत्यजीत तांबे निवडणुकीच्या रिंगणातून माघार घेणार का, याकडे सर्वांच्या नजरा लागल्या होत्या. परंतु, सत्यजीत तांबे यांनी अर्ज मागे न घेतल्याने ते लढण्याच्या तयारीत आहेत.