शिंदे-फडणवीस सरकारच्या वेगवेगळ्या निर्णयामुळेही त्यांच्यावर विरोधकांकडे जहरी टीका केली जात आहे. त्यातच आता 2 हजारच्या नोटा बंदीनंतर पुन्हा एकदा सत्ताधारी आणि विरोधक यांच्यामध्ये आरोप-प्रत्यारोप होताना दिसून येत आहेत. रिझर्व्ह बँकेच्या दोन हजारच्या नोटाबंदीनंतर काल विरोधी पक्षनेते अजित पवार यांनी राज्य आणि केंद्रावर जोरदार टीका केली. या टीकेला खासदार प्रतापराव जाधव उत्तर दिलं आहे.

प्रतापराव जाधव म्हणाले की, 'सत्तेत असताना अजित पवार ज्या मस्तीने वागत होते, त्याच्या 10 टक्केही मुख्यमंत्री एकनाथ शिंदे वागत नाहीत'. शिंदे-फडणवीस सरकारने सत्तेची मस्ती आणि नशा डोक्यात जाऊ देऊ नये असा खोचक टोला अजित पवार यांनी राज्य सरकारला लगावला होता.

राज्यात शिंदे-फडणवीस सरकार अस्तित्वात आल्यापासून सत्ताधारी आणि विरोधक असा सामना राज्यात रंगला आहे. आपल्या वेगवेगळ्या निर्णयामुळेही शिंदे-फडणवीस सरकारवर जोरदार टीका केली जात आहे. त्यातच आता 2 हजारच्या नोटा बंदीनंतर पुन्हा एकदा सत्ताधारी आणि विरोधक यांच्यामध्ये जुंपल्याचं दिसून येत आहे.

यावेळी बोलताना प्रतापराव जाधव यांनी संजय राऊत यांच्यावरही जोरदार टीका केली आहे. संजय राऊत हे तुरुंगातील दिवसावर पुस्तक लिहिणार आहेत, त्यामुळे त्यांना पुस्तक लिहण्याची गरजच नाही. उद्धव ठाकरेंनी त्यांना सामना हे वृत्तपत्र काहीही लिहिण्यासाठी खुला करून दिला असल्याची टीकाही खासदार प्रतापराव जाधव यांनी संजय राऊत यांच्यावर केली आहे.