मुंबई : राष्ट्रवादी काँग्रेसच्या विरोधात बोलू नका, या शिवसेना पक्षप्रमुख उद्धव ठाकरे यांनी घेतलेल्या भूमिकेमुळे राज्यात शिवसेना आणि राष्ट्रवादी काँग्रेसमध्ये घरोबा होतोय की काय अशी शक्यता वर्तविण्यात येत आहे.
युवासेनाप्रमुख आदित्य ठाकरे यांनी शनिवारी रात्री सर्व आमदारांची भेट घेत त्यांच्याशी चर्चा केली. त्यानंतर आज दुपारी या सर्व आमदारांशी उद्धव ठाकरे आणि आदित्य ठाकरे चर्चा करणार आहेत. या बैठकीत सत्तास्थापनेसंदर्भात चर्चा होण्याची शक्यता आहे. भाजपला राज्यपालांनी निमंत्रण दिल्यानंतर शिवसेनेच्या भूमिकेकडे सर्वांचे लक्ष लागले आहे. त्यापूर्वीच उद्धव ठाकरे यांनी प्रवक्त्यांना राष्ट्रवादीविरोधात बोलू नका असे म्हटले आहे.
उद्धव ठाकरे यांनी शिवसेनेच्या प्रवक्त्यांना सूचना दिल्या असून, मातोश्रीवर बोलवून त्यांना सूचना दिल्या आहेत. उद्धव यांच्या या भूमिकेमुळे शिवसेना आणि राष्ट्रवादीच्या घरोब्यावर शिक्कामोर्तब झाल्याचे बोलले जात आहे. आजच संजय राऊत यांनी पत्रकार परिषद घेऊन भाजपचा भ्रमाचा भोपळा फुटल्याचे म्हटले आहे. तसेच त्यांनी काँग्रेस आणि राष्ट्रवादीचे कौतुक केले आहे.
तर, दुसरीकडे शिवसेनेला बाहेरून पाठिंबा देण्यासाठी काँग्रेस हायकमांडकडून ग्रीन सिग्नल आल्याचे समोर येत आहे. काँग्रेस आमदारांनी एक पाऊल पुढे टाकले असून, बाहेरून पाठिंबा देण्यापेक्षा थेट सत्तेत सहभागी होण्याची काँग्रेस आमदारांची हायकमांडकडे मागणी केली आहे. याबाबत अंतिम निर्णय दिल्लीत 2 दिवसांत घेणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.