मुंबई : शिवसेनेचे नेते अनिल परब यांच्यावर ईडीने कारवाई केली आहे. त्यांच्या शासकीय निवासस्थानावर आज सकाळी ईडीने छापेमारी केली आहे. त्याचबरोबर शिवसेनेचे काही नेते ईडीच्या रडारवर असून शिवसनेच्या पाच नेत्यांवर आत्तापर्यंत कारवाई करण्यात आली आहे. दरम्यान परिवहन मंत्री अनिल परब हे ईडीची कारवाई झालेले शिवसेनेचे पाचवे मंत्री आहेत.
(ED Action On Shivsena Leaders)
शिवसेनेचे माजी खासदार आनंदराव अडसूळ यांच्यावर २७ सप्टेंबर २०२१ ला ईडीने कारवाई केली होती. सिटी बँकेतल्या घोटाळ्याप्रकरणी त्यांच्यावर कारवाई करण्यात आली होती. तसेच २४ नोव्हेंबर २०२१ मध्ये प्रताप सरनाईक यांच्यावर कारवाई करण्यात आली होती. टॉप सिक्युरिटी प्रकरणात यांच्यावर कारवाई करण्यात आली होती.
संजय राऊत यांच्या पत्नी वर्षा राऊत यांच्यावरही ईडीने ४ जानेवारी २०२१ रोजी कारवाई केली होती. त्याचबरोबर २७ सप्टेंबर २०२१ ला ईडीने अनिल परब यांना ईडीने समन्स बजावलं होतं. त्यानंतर २८ ला त्यांना चौकशीसाठी हजर राहावं लागलं होतं. तसेच शिवसेनेच्या खासदार भावना गवळी ३० ऑगस्ट २०२१ ला ईडीच्या रडारवर आल्या. त्यावेळी त्यांच्याशी संबंधित असलेल्या संस्थांवर छापेमारी करण्यात आली होती. या मंत्र्यांच्या रांगेत आता अनिल परब यांचाही सामावेश झाला आहे.
दरम्यान आज अनिल परब यांच्या संबंधित सात ठिकाणावर छापेमारी करण्यात आली आहे. त्याचं शासकीय निवासस्थान, खासगी निवासस्थान आणि त्यांच्या संबंधित आणखी सात ठिकाणी कारवाई करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.