राज्यपालांपुढे शिवसेनेची भूमिका मांडणार : संजय राऊत
मुंबई : राज्यपालांची आम्ही आज भेट घेणार असून, ही राजकीय नसून सदीच्छा भेट आहे. महाराष्ट्रातील परिस्थितीबाबत चर्चा करणार असून, शिवसेनेची भूमिका मांडणार असल्याचे, शिवसेना खासदार संजय राऊत यांनी सांगितले.
भाजप आणि शिवसेना यांच्यात सध्या मुख्यमंत्रिपदावरून जोरदार रस्सीखेच सुरु आहे. या दोन्ही पक्षांनी मुख्यमंत्रीपदावर दावा सांगितल्याने सत्तेत कोण येणार हे अद्याप निश्चित नाही. संजय राऊत गेल्या काही दिवसांपासून दररोज पत्रकार परिषद घेऊन भूमिका मांडत आहेत. त्यांनी मुख्यमंत्री शिवसेनेचाच असेल आणि शिवतीर्थावर शपथ घेईल असे सांगितलेले आहे. तसेच त्यांनी आमच्याकडे 175 चा आकडा असल्याचेही म्हटले आहे.
संजय राऊत म्हणाले, की शिवसेनेची भूमिका मांडण्यासाठी आज आम्ही सायंकाळी पाच वाजता राज्यपालांची भेट घेणार आहोत. ही राजकीय भेट नसून, सदीच्छा भेट आहे. राज्यपाल महाराष्ट्राचे पालक आहेत. त्यांच्याशी अनेक विषयांवर चर्चा करणार आहे. तरुण भारत हे वृत्तपत्र आहे का? उद्धव ठाकरे यांच्याशी बोललो असून, त्यानंतर त्यांना भेटणार आहे. राज्यपाल हे एका राज्याचे मुख्यमंत्री राहिले आहेत. त्यांच्याशी आमचे जुने संबंध आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.