नवी दिल्ली : राज्यसभेत शिवसेना गटनेते म्हणून असलेली तिसऱ्या रांगेतील जागा बदलून आता संजय राऊत यांना पाचव्या रांगेत १९९ क्रमांकाची जागा देण्यात आली आहे. त्यामुळे राऊत अस्वस्थ असून शिवसेनेचा पाणउतारा करण्यासाठी व शिवसेनेचा आवाज दाबण्यासाठी असे केल्याचा आरोप राऊत यांनी केला आहे.
राज्यसभा अध्यक्ष व्यंकय्या नायडू यांना राऊत यांनी पत्र लिहिले असून शिवसेनेला पहिल्या, दुसऱ्या किंवा तिसऱ्या रांगेत जागा मिळावी, अशी विनंती त्यांनी केली आहे. या पत्रात राऊत म्हणतात, ''मी २००४ पासून राज्यसभेचा सदस्य आहे. शिवसेना एनडीएमधून बाहेर पडल्याची किंवा शिवसेनेला बाहेर काढल्याची अधिकृत घोषणा करण्यात आलेली नाही. तरीही माझी बसण्याची जागा बदलण्यात आली आहे. हा माझा आणि माझ्या पक्षाचा अपमान आहे. माझ्या मते महाराष्ट्रात सरकार स्थापनेवरुन जे काही सुरु आहे, त्याच्याशी माझी जागा बदलण्याच्या निर्णयाचा संबंध पोहोचतो.
''मी गेली अनेक वर्षे शिवसेना संसदीय पक्षाचा नेता आहे. सर्वसाधारण पणे पक्षाच्या संसदीय नेत्यांना पहिल्या, दुसऱ्या किंवा तिसऱ्या रांगेत बसण्याची जागा दिली जाते. शिवसेनेला पुन्हा पहिल्या, दुसऱ्या किंवा तिसऱ्या रांगेत बसण्याची जागा मिळावी,'' अशी विनंतीही राऊत यांनी नायडू यांना लिहिलेल्या पत्रात केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.