महाडः उद्धव ठाकरे यांची महाडमध्ये सभा होत आहे. आज त्यांनी बारसुला भेट दिल्यानंतर ते पक्षप्रवेशाच्या कार्यक्रमाला उपस्थित आहेत. यावेळी ठाकरे गटाच्या नेत्या सुषमा अंधारे यांनी राज्य सरकारसह भाजप नेते आणि राज ठाकरेवर टीकास्र सोडलं.
यावेळी बोलतांना सुषमा अंधारे म्हणाल्या की, भाजपने बारसु प्रकल्प करण्याचा घाट घातला आहे. लोक कुणाच्या सोबत आहेत हे आज बारसुमध्ये सिद्ध झालं. पुढे बोलतांना त्यांनी भरत गोगावले यांच्यावर आसूड ओढला. शेठ आणि नेता यातला फरक त्यांनी स्पष्ट केलं. भरतशेठला त्यांची जागा दाखवली पाहिजे, असं अंधारे म्हणाल्या.
राज ठाकरेंबद्दल बोलतांना सुषमा अंधारे म्हणाल्या की, आज रत्नागितीमध्ये मिमिक्री आर्टिस्टची सभा आहे, असं बोलून त्यांनी सभास्थळी हशा पिकवला. आमचं हिंदुत्व हे हिंदुंना रोजी-रोटी देणारं हिंदुत्व आहे. त्यामुळे कुणीही आम्हांला हिंदुत्व सांगू नये.
राणेंबद्दल बोलतांना सुषमा अंधारे म्हणाल्या की, राणे साहेबांच्या दोन्ही पोरांना सीरियस घ्यायची मला गरज वाटत नाही. मुळात राणे साहेबांनाच सीरियस घ्यायची गरज नाही. त्यांना त्यांच्या मालकाने काम दिलेलं आहे, ते ते करत असल्याचा घणाघात अंधारेंनी लगावला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.