महाराष्ट्रातल्या सत्तासंघर्षावर फेब्रुवारीमध्ये सुनावणी होणार आहे. तर दुसरीकडे शिवसेना पक्षाचं नाव आणि चिन्हं या संदर्भात आज निवडणूक आयोगात सुनावणी पार पडणार आहे. दरम्यान, शिवसेना, धनुष्यबाणाचा निर्णय शिंदे गटाच्या बाजूने लागला तर शिवसेना पक्षप्रमुख उद्धव ठाकरे काय करणार? असा सवाल उपस्थित होत आहे. (Uddhav Thackeray Election Commission Shiv Sena sign Eknath Shinde group maharashtra politics )

आज होणाऱ्या सुनावणीत निवडणूक आयोग या संदर्भात निर्णय देऊ शकतो. आयोगाचा निर्णय शिंदे गटाच्या बाजूने लागला तर ठाकरे गटाचा प्लान तयार असल्याची माहिती सूत्रांनी दिली आहे.

Maharashtra Politics : शिंदेकडे संख्याबळ पण कंट्रोल ठाकरेंकडे; शिवसेना कोणाची होणार?

काय आहे ठाकरे गटाची तयारी?

केंद्रीय निवडणूक आयोगाने निकाल शिंदे गटाच्या बाजूने दिला तर ठाकरे गट जनतेत जाणार असल्याची माहिती मिळाली आहे. ठाकरे गट जनतेतून पक्षाचं चिन्हं आणि नाव मागवणार असल्याचे सांगण्यात येत आहे.

तसेच निवडणूक आयोगाच्या निर्णयाच्या विरोधात ठाकरे गट सर्वोच्च न्यायालयात जाण्याचीही तयारी करत आहे, अशीदेखील माहिती समोर आली आहे.

आमदार-खासदारांच्या संख्येनुसार निवडणूक आयोग निर्णय घेण्याची शक्यता वर्तवली जात आहे. सादिक अली खटल्यानुसार निकाल लागला तर शिंदे गटाला शिवसेना पक्ष आणि चिन्ह मिळणार अशीही शक्यता वर्तवण्यात येत आहे.