मुंबई - राज्यात महाविकासआघाडीचे सरकार स्थापन करण्यात सिंहाचा वाटा उचलणारे राष्ट्रवादी काँग्रेसचे अध्यक्ष शरद पवार हे आज (बुधवार) मुंबईतच असून, आज ते महाविकासआघाडीतील प्रमुख नेत्यांची बैठक घेणार आहेत. या महाविकासआघाडीत शरद पवारांचा शब्दाला मोठी किंमत असणार हे आता स्पष्ट आहे.
राजकारणातील भीष्माचार्य शरद पवार यांनी देशभरात विजयाचा घोडा चौफेर उधळवत चाललेल्या भाजपला अखेर महाराष्ट्रात वेसण घातली. कायदा आणि बहुमताला न जुमानता सत्ता स्थापन करण्यासाठी भाजपने राष्ट्रवादी कॉंग्रेसलाच नख लावण्याचा प्रयत्न केल्याने संतापलेल्या शरद पवारांनी महाविकास आघाडीची केवळ सत्ता राखलेली नसून पंतप्रधान नरेंद्र मोदी आणि अमित शहा यांना चितपट केले.
दरम्यान, सत्तेच्या महानाट्याचा शेवटचा अंक मंगळवारी (25 नोव्हेंबर) निर्णायक आणि धोक्याच्या वळणावर असतानाही मुंबई सोडून त्यांचे आदर्श यशवंतराव चव्हाण यांच्या झालेल्या पुण्यतिथीला कऱ्हाडला प्रीतिसंगमावर जाण्याचा नेमही त्यांनी चुकविला नाही. मात्र यशवंतराव चव्हाणांच्या पुण्यतिथीला पहिल्यांदाच राज्याचे मुख्यमंत्री प्रीतिसंगमावर गेले नाहीत याची इतिहासात नोंद झाली आहे. राष्ट्रवादी काँग्रेसचे नेते शरद पवार हे आपले राजकारणातले गुरू आहेत हे पंतप्रधान नरेंद्र मोदी यांनी अनेकदा मान्य केले आहे. पण महाराष्ट्रात गेले महिनाभर सुरू असलेल्या या सत्तानाट्यात शरद पवारांनी राजकारणाचे अनेक नवीन धडे भाजपच्या चाणक्यांना शिकवत महागुरूचे स्थान प्राप्त केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.