पुणे - एकनाथ शिंदे गटावर सातत्याने खोके घेतल्याचा आरोप होतोय. या आरोपांवरून शिंदे गटही आक्रमक झाल्याचं समोर आलं आहे. शिंदे गटाने आता खोक्यांचा आरोप करणाऱ्यांना कायदेशीर नोटीस पाठवणार असल्याचं म्हटलं आहे. शिंदे गटाचे प्रवक्ते विजय शिवतारे यांनीच याबाबत सुतोवाच केले आहे. त्यावर उद्धव ठाकरे गटाची प्रतिक्रिया आली आहे. ( Uddhav Thackeray news in Marathi)
उद्धव ठाकरे गटाच्या नेत्या सुषमा अंधारे म्हणाल्या की, आमच्या सभा सुरू झाल्या की खालून लोकं घोषणा देतात. मग लोकांना पण आत टाकणार का? 50 खोक्यांचा उल्लेख हा स्वतः रवी राणा यांनीच केला होता. मग पहिली केस रवी राणा यांच्यावरच टाकावी लागेल, असंही अंधारे यांनी म्हटलं.
अंधारे पुढं म्हणाल्या की, राहिला प्रश्न अडीच हजार कोटीच्या अब्रुनुकसानीच्या दाव्याचा तर माझं घर पाहिल्यावर त्यांनाच मला दोन पैसे द्यावे लागतील. आम्ही गरीब लोक आहोत आमच्याकडे फक्त जपण्यासाठी निष्ठा आहे, अशा शब्दात अंधारे यांनी शिंदे गटावर टीका केली.
यावेळी अंधारे यांनी शिंदे गटाचे नेते गुलाबराव पाटील आणि अब्दुल सत्तार यांच्यावर हल्लाबोल केला. ही दोन्ही नेते विकृत असल्याचं त्यांनी नमूद केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.