Ira Khan - Nupur Shikhre Wedding Updates:

मिस्टर परफेक्शनिस्ट आमिर खानची लेक इरा खानच्या लग्नाची सर्वांना उत्सुकता आहे. इरा तिचा बॉयफ्रेंड नुपूर शिखरेसोबत लग्नबंधनात अडकणार आहे.

आमिर खानच्या लेकीच्या लग्नविधींना सुरुवात झालीय. मंगळवारी रात्री आमिरच्या लेकीच्या प्री-वेडिंग कार्यक्रमांना सुरुवात झाली. त्यावेळी अस्सल मराठमोळा थाट दिसून आला. सविस्तर जाणून घ्या.

आमिर खानची मुलगी इरा खानच्या लग्नाच्या विधी आणि सोहळ्यांना सुरुवात झाली आहे. इरा ही आमिरची पहिली पत्नी रीना दत्ताची मुलगी आहे, ती 3 जानेवारीला तिचा प्रियकर नुपूर शिखरेसोबत लग्नगाठ बांधणार आहे. मंगळवारी प्री-वेडिंग विधींसाठी आयोजित या कार्यक्रमात आमिरची एक्स पत्नी किरण राव आणि मुलगा आझाद देखील उपस्थित होते.

इरा खानने तिच्या इंस्टाग्राम स्टोरीवर या कार्यक्रमाचा एक व्हिडिओ शेअर केला आहे. यामध्ये कार्यक्रमाला उपस्थित असलेले पाहुणे जेवणाच्या टेबलवर पंगतीत एकत्र बसलेले दिसले, जिथे त्यांना महाराष्ट्रीयन जेवण दिले जात होते.

पुढच्या फोटोमध्ये इरा तिच्या मैत्रिणीसोबत दिसली होती, ज्यामध्ये ती लाल रंगाच्या साडीत सुंदर दिसतेय. कपाळावर बिंदी आणि सोनेरी झुमके तिने परिधान केले आहेत. इराची मैत्रीण आणि 'लिटिल थिंग्स' फेम अभिनेत्री मिथिला पालकर देखील या सोहळ्याला उपस्थित होती. इराने तिच्यासोबतचे अनेक फोटोही शेअर केले आहेत.

आमिरची लेक इरा 3 जानेवारी 2024 रोजी नुपूरसोबत लग्न करणार असल्याची शक्यता आहे. इरा खानचा बॉयफ्रेंड नुपूर शिखरे एक प्रसिद्ध फिटनेस तज्ञ आणि सल्लागार आहे. तो आमिर खानचा ट्रेनरही असून तो इरालाही फिटनेस ट्रेनिंग देत असे.

यादरम्यान दोघांमध्ये जवळीक वाढली आणि त्यांनी एकमेकांना डेट करायला सुरुवात केल्याचे सांगितले जाते. नुपूर बॉलिवूड अभिनेत्री सुष्मिता सेनचा देखील ट्रेनर आहे. इरा - नुपूरच्या लग्नाची सर्वांना उत्सुकता आहे.