Aamir Khan News: लाल सिंग चड्ढा फ्लॉप झाल्यांनतर आमिर खानने बॉलिवूडमधून काहीसा संन्यास पत्करलाय. पण अचानक आमिर खान पुन्हा एकदा लाइमलाईट मध्ये आलाय. आमिर खान सध्या अनेक लोकांच्या लग्नसोहळ्यात दिसून येतोय. नुकताच आमिर खान वॉल्ट डिसने आणि स्टार इंडियाचे अध्यक्ष असलेल्या के. माधवन यांच्या मुलाच्या लग्नसोहळ्याला उपस्थित होता.

(amir khan grab a walking stik in k madhvan son wedding)

या लग्नसोहळ्यापेक्षा आमिर खानची चर्चा जास्त झाली. कारण सुद्धा खास आहे. आमिर खान लग्नसोहळ्यात पारंपरिक वेशभूषेत आलेला. या लग्नसोहळ्यात आमिर खान काठीचा आधार घेऊन चालताना दिसला.

आमिर खानच्या हातात काळ्या रंगाची काठी होती. त्यामुळे आमिरच्या फॅन्सना मात्र काळजी लागून राहिली आहे. आमिरला काठीचा आधार घेऊन अचानक का चालावं लागतंय असा प्रश्न अनेकांना पडलाय.

आमिरला अशा अवतारात पाहून लोकं विचारत आहेत.. आमिर खानला अचानक काय झालं? काही लोक असेही म्हणत आहेत की, आमिर खान आजकाल लग्नसोहळ्यांमध्ये त्याची उपस्थिती दर्शवत आहे.

कदाचित लाल सिंग चड्ढा फ्लॉप झाल्यामुळे आमिर नुकसान भरपाई करत आहे. काहीच दिवसांपूर्वी अभिनेता कार्तिक आर्यन सोबत नुकताच भोपाळमध्ये एका लग्नात सहभागी होता. त्यामुळे स्पॉन्सरशिप घेऊन आमिर खान लग्नाला जात आहे असं फॅन्स म्हणत आहेत.

तर काही फॅन्सना मात्र आमिर खानची खरंच खुप काळजी वाटतेय. वय झालं वाटत तुझं, तुझ्या हातातली काठी शोभून दिसत नाहीये, वय झालं म्हणून आमचा लाडका सुपरस्टार थकला असं फॅन्स म्हणत आमिर खान बदल सहानुभूती दर्शवत आहेत. आमिर खान खास साऊथ इंडियन वेशभूषा परिधान करून के. माधवन यांच्या मुलाच्या लग्नाला गेला होता.

के. माधवन यांच्या मुलाच्या लग्नाला करण जोहर, अक्षय कुमार, मोहनलाल, कमल हसन असे अनेक कलाकार उपस्थित होते. अक्षय कुमारने मोहनलाल सोबत भांगडा केलाय. अत्यंत शाही तरीही पारंपरिक थाटामाटात के. माधवन यांच्या मुलाचं लग्न झालं.

साऊथ आणि बॉलिवूड मधले अनेक कलाकार या लग्नाच्या सोहळ्याला एकत्र आले होते. आमिर खानचा असा वेगळा लूक लक्ष वेधून घेत होता.