Aashiqui 2 bollywood singer Palak Mucchal marry: बॉलीवूडमधील प्रसिद्ध गायिका पलक मुच्चलची गोड बातमी समोर आली आहे. ती म्हणजे येत्या महिन्यात ती प्रसिद्ध म्युझिक डायरेक्टर मिथुनसोबत लग्नाच्या बेडीत अडकणार असल्याचे सांगण्यात आले आहे. गेल्या काही दिवसांपासून ते एकमेकांना डेट करत होते. त्यांचे फोटोही सोशल मीडियावर व्हायरल झाले होते. त्यामुळे उलट सुलट चर्चेला उधाण आले होते.

अखेर आशिकी फेम सिंगर पलक आणि मिथुन लग्न करणार असल्याच्या बातमीनं नेटकऱ्यांनी त्यांच्यावर कौतूकाचा वर्षाव करण्यास सुरुवात केली आहे. नोव्हेंबर महिन्यातील पहिल्याच आठवड्यात ते दोघे लग्नाच्या बेडीत अडकणार असल्याची माहिती ई टाईम्सनं दिली आहे. 2013 मध्ये आलेल्या आशिकी 2 मध्ये पलकनं डेब्यु केलं होतं. त्या चित्रपटानं तिला लोकप्रियतेच्या शिखरावर नेलं. अजुनही त्या चित्रपटातील गाणी चाहत्यांचा आवडीची आहे. आदित्य रॉय कपूर आणि श्रद्धा कपूरच्या आशिकी 2 मध्ये मुख्य भूमिका होत्या.

चाहु मैं या ना आणि मेरी आशिकी ही दोन गाणी पलकनं गायली होती. त्याला चाहत्यांचा मोठा प्रतिसाद मिळाला होता. तर 2016 पासून मिथुन आणि पलक हे एकत्र काम करत आहेत. त्यांनी ट्रफिक चित्रपटातील गाणी कंपोझ केली. पलकनं ती गायली. पलक आणि मिथुनच्या डेटिंगच्या बातमीनं अनेकांचे लक्ष वेधून घेतले होते. अखेर त्यांच्या लग्नाची तारीख समोर आली आहे. त्यामुळे चाहत्यांनी त्यांच्यावर कौतूकाचा वर्षाव केला आहे.

मुंबईतील एका पंचतारांकित हॉटेलमध्ये त्यांचा विवाहसोहळा पार पडणार असून त्याला बॉलीवूडचा भाईजान सलमान खान उपस्थित राहणार असल्याचे सांगण्यात येत आहे. याशिवाय बॉलीवूडमधील इतरही सेलिब्रेटी हजेरी लावणार असल्याची माहिती सुत्रांनी दिली आहे. गेल्या काही दिवसांपासून पलक आणि मिथुनच्या लग्नाची चर्चा रंगली होती. अखेर त्या चर्चेला पूर्णविराम मिळाला आहे.