मुंबई : गँग्ज ऑफ वासेपूर, फुकरे, न्यूटन, सुपर ३० अशा कित्येक हिंदी चित्रपटामध्ये विविध भूमिका पंकज त्रिपाठीने केल्या आहेत आणि आपले अभिनयकौशल्य अनेक चित्रपटांतून दाखविले आहे. नकारात्मक भूमिकांबरोबरच काहीशा विनोदी ढंगाने जाणाऱ्या तसेच चरित्र भूमिकांतूनही तो भाव खाऊन गेला आहे.
आता त्याची नियुक्ती बिहारमधील पाटणा येथील खादी मॉलचा ब्रॅण्ड अॅम्बेसेडर म्हणून करण्यात आली आहे. खादी ग्रामोद्योगाला चालना देण्यासाठी आता तो झटणार आहे. तो म्हणाला, की मला बिहारच्या उद्योग मंत्रालयातून फोन आला. त्यांनी माझ्यासमोर अशा प्रकारचा प्रस्ताव ठेवला. तेथील अधिकारी मी थिएटर करीत असताना मला ओळखत होते.
लहान असताना मी माझ्या वडिलांबरोबर या खादी भांडारमध्ये कपडे घेण्यास जात असे. त्यामुळे आता त्याचाच ब्रॅण्ड अॅम्बेसेडर होण्याची ऑफर आली तर ती मी नाकारू शकत नव्हतो. मी आता ब्रॅण्ड अॅम्बेसेडर जरी झालो असलो तरी खादी आपल्याकडे पूर्वीपासून खूप प्रसिद्ध आहे आणि तिला अधिक प्रसिद्धीची गरज आहे असे मला वाटत नाही. खादी हे वस्त्र नसून ती एक विचारधारा आहे आणि ग्रामीण भागातील अर्थव्यवस्थेला चालना देणारी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.