मुंबई : केंद्र व राज्य सरकारांच्या नियम व अटीनुसार चित्रीकरणास प्रारंभ झाला खरा. मात्र त्याचे वाईट परिणाम दिसायला सुरुवात झाल्याचे दिसून येत आहे. दाक्षिणात्य चित्रपटसृष्टीतून आलेल्या वृत्तानुसार, तेलगु चित्रपटाच्या चित्रिकरणादरम्यान चित्रपटाच्या अभिनेत्रीलाच कोरोनाची लागण झाल्याचे समोर आल्याने संपूर्ण  युनिटमध्ये मोठी घबराट पसरली आहे. या वृत्तामुळे आता सदर फिल्मचे चित्रीकरण
तत्काळ थांबविले आहे.

देशासाठी चिंतेची बाब! भारतात दर तासाला होते 'इतक्या' कोरोनाच्या रुग्णांची नोंद...

प्रसिद्ध तेलगु अभिनेत्री नव्या स्वामी हिला तीन-चार दिवसांपासून अस्वस्थ वाटत होते. तिने कोरोनाची चाचणी केल्यावर तिचे रिपोर्ट पॉझिटीव्ह आले. त्यामुळे संपूर्ण युनिटमध्ये मोठी खळबळ उडाली. कारण सेटवर बऱ्याच संख्येने विविध विभागाचे सदस्य चित्रीकरणात सहभागी झालेले असतात. नव्या आणि सेटवरील चित्रीकरणातील थेट संपर्क येणाऱ्या व्यक्तींनाही आता क्वारंटाइन करण्यात आले आहे.

सलाम त्या योद्ध्यांना! सायन रुग्णालयातील २६ डॉक्टरांची कोरोनावर मात, पुन्हा सेवेत रुजू 

नव्याच्या घरून आलेल्या वृत्तानुसार, नव्या व तिची आई या घटनेने घाबरून गेल्या आहेत. त्यांना फिल्म इंडस्ट्री, चाहते, आप्तेष्ट यांच्याकडून धीर देण्याचे फोन व मेसेज येत आहेत. मात्र, नव्या यांना त्यांच्यामुळे सेटवरील अनेकांचे जीव धोक्यात घातले, अशी अपराधीपणाची भावना वाटत असल्याने स्वतःला ती अपराधी मानत आहे. या संपूर्ण प्रकरणाने एकूणच सर्व चित्रीकरणावर व सुरक्षिततेच्या प्रश्नाबाबत पुन्हा विचार करण्यास भाग पडण्याची गरज असल्याचे काहींचे म्हणणे आहे.