Aai Kuthe Kay Karte News: 'आई कुठे काय करते' ही मराठी मनोरंजन विश्वातली आघाडीची अभिनेत्री. 'आई कुठे काय करते' मालिकेला गेली अनेक वर्ष लोकांचं प्रेम मिळालंय. मालिकेत अरुंधतीची प्रमुख भूमिका साकारत आहे अभिनेत्री मधुराणी प्रभूलकर.

मधुराणी सोशल मीडियावर कायमच विविध पोस्टच्या माध्यमातून मालिकेबद्दलचे अपडेट्स शेअर करत असते. अशातच मधुराणीने मालिकेतली बालकलाकार म्हणजेच मनूची भूमिका साकारणाऱ्या जान्हवीचं कौतुक केलंय.

मधुराणीने जान्हवीसोबतचे फोटो पोस्ट करुन कॅप्शन लिहीलंय की, "मनू , अर्थात जान्हवी...काय सुंदर काम करते . आणि रोज आम्हाला थक्क करत असते
जेमतेम ७ वर्षांची चिमुरडी...!

ह्या वयात तिचा तिच्या कामावर असणारा फोकस, निष्ठा ,प्रेम patience , लगन हे सगळं अवाक करणारं आहे. मी नुसतं तिला बघूनच तिच्याकडून किती गोष्टी रोज शिकत असते.
मला तिचं कौतुक वाटतंच पण खरं सांगायचं तर तिच्याप्रती एक प्रकारचा आदर वाटतो. आणि ते वाटणं अतिशय गोड वाटतं. We are blessed to have her in team AKKK."

मनूविषयी सांगायचं झालं तर.. तिचं नाव जान्हवी हरिसिंघानी. जान्हवीने याआधी कलर्स मराठीवरील बाळूमामाच्या नावानं चांगभलं मालिकेत गीताची भूमिका साकारली होती.

आई कुठे काय करते मालिकेत जान्हवी साकारत असलेल्या भूमिकेचं खुप कौतुक होतंय. जान्हवी ऑनस्क्रीन - ऑफस्क्रीन सर्वांची लाडकी आहे. जान्हवीच्या घरुन तिच्या अभिनय आवडीला प्रोत्साहन मिळत असून तिने फार कमी वयात मनोरंजन विश्वात स्वतःची ओळख निर्माण केलीय.