OTT Show: प्लॅनेट मराठीवर 'पटलं तर घ्या विथ जयंती' हा नवा चॅट शो सुरु झाला आहे. ज्याचे एकूण आठ भाग पहिल्या भागात रिलीज केले जाणार आहेत. याआधी या चॅट शो मध्ये सोनाली-आशय कुलकर्णी,अमृता खानविलकर-ओम राऊत आणि तेजस्विनी पंडित-अभिजित पानसे, पुष्कर श्रोत्री-संदीप पाठक या जोड्या येऊन गेल्या आहेत.

आता आगामी भागात अभिनेत्री ऋतुजा बागवे आणि प्राजक्ता माळी सहभागी होणार आहे. ही जोडी या भागात धमाल करताना दिसत आहे. विशेष म्हणजे या भागात दोघींनी आपल्या पर्सनल आयुष्याविषयी बरंच काही या मुलाखतीत सांगितलं आहे.

सध्या या एपिसोडचा एक प्रोमो भलताच गाजतोय ज्यामध्ये दोघींनी लग्न, त्यांच्यातील नाते, ऋतुजाला खरच प्राजक्ता क्रश म्हणून आवडते का? अशा अनेक प्रश्नांची उत्तरं दिली आहेत.

प्राजक्ता माळी असंख्य मुलांची ड्रीमगर्ल आहे. त्याच जोडीने अनेक मुलींनाही ती आवडते. परंतु आता एक अशी गोष्ट समोर आली आहे, ती म्हणजे मराठी सिनेसृष्टीत आपल्या अभिनयाचा एक वेगळा ठसा उमटवणाऱ्या अभिनेत्रीची प्राजक्ता लेडी क्रश आहे.

ही अभिनेत्री आहे ऋतुजा बागवे. प्राजक्ता ऋतुजाची लेडी क्रश आहे आणि ही गोष्ट तिने प्राजक्तासमोर मान्य केली आहे. ऋतुजाला प्राजक्ताची लेस्बियन पार्टनर व्हायला आवडेल, हे सिक्रेट ऋतुजाने प्राजक्ता माळी आणि अख्या जगासमोर उघड केले आहे.

आता हे नेमकं काय प्रकरण आहे, हे तुम्हाला प्लॅनेट मराठी ओटीटीवर 'पटलं तर घ्या विथ जयंती' या टॉक शोमध्ये शुक्रवारच्या म्हणजेच २४ फेब्रुवारीच्या एपिसोडमध्ये पाहायला मिळेल.

या टॉक शोमध्ये प्राजक्ता माळीने शाहरुख खानसोबतचा एक किस्साही शेअर केला. ती एसआरकेला तब्बल १७ वेळा धडकली होती. आता ते कशासाठी हेसुद्धा प्राजक्ताने या शोमध्ये सांगितले आहे.

ऋतुजाला एका नाटकाच्या प्रयोगादरम्यान ५१ हजार रुपयांचा चेक देण्यात आला होता. आता तो कोणता प्रयोग होता आणि हा चेक तिला का मिळाला? असे अनेक कायम स्मरणात राहणारे किस्से ऋतुजानेही शेअर केले आहेत.