Yami Gautam Pregnancy News: बॉलीवूडची लोकप्रिय अभिनेत्री यामी गौतमने २०२३ मध्ये 'ओह माय गॉड 2' मध्ये वकिलाची भूमिका साकारून लक्षवेधी काम केलं.

यामीच्या पर्सनल लाईफबद्दल सांगायचं झालं तर तिने 2021 मध्ये दिग्दर्शक आदित्य धरसोबत लग्न केले. आता लग्नाच्या 3 वर्षांनंतर यामी गरोदर असल्याची चर्चा आहे.

नुकतंच यामी - आदित्य यांचा एक व्हिडीओ व्हायरल झालाय. जो व्हिडीओ पाहून यामी गरोदर असल्याची चर्चा आहे.

यामीच्या व्हायरल झालेल्या व्हिडीओमध्ये तिने गुलाबी रंगाचा ड्रेस परिधान केला आहे. या व्हिडीओत आदित्य धर तिच्यासोबत पांढऱ्या कुर्ता पायजमामध्ये दिसत होता. मात्र, यादरम्यान यामीने अशी एक कृती केली जी पाहून लोक ती प्रेग्नंट असल्याचे म्हणू लागले.

समोर आलेल्या व्हिडिओमध्ये पापाराझींनी यामीला पाहताच तिचे फोटो अन् व्हिडीओ काढण्यास सुरुवात केली. यादरम्यान यामी तिचा बेबी बंप दुपट्ट्याने लपवताना दिसली. आता यामीची ही स्टाईल पाहून ती प्रेग्नंट असून लोकांना कळू नये म्हणून तिने तिचा बेबी बंप लपवला, असा अंदाज लोक लावत आहेत.

एका यूजरने लिहिले की, "असं वाटतंय ती यामी आई होणार आहे.' दुसऱ्या यूजरने लिहिले की, 'बघा यामी प्रेग्नंट आहे.' आता जर ही बातमी खरी असेल तर यामीच्या चाहत्यांना याचा खूप आनंद होईल. यामीकडून मात्र कोणताही अधिकृत खुलासा झाला नाही.

यामी गौतमच्या वर्कफ्रंटविषयी सांगायचं तर... ती आगामी 'आर्टिकल 370' या सिनेमातून भेटीला येणार आहे. जिओ स्टुडिओज आणि ‘उरी: द सर्जिकल स्ट्राइक’ च्या मेकर्सकडून ‘आर्टिकल ३७०’ सिनेमाची निर्मिती करण्यात येतेय.

ज्योती देशपांडे, आदित्य धर आणि लोकेश धर यांची निर्मिती असलेला हा चित्रपट २३ फेब्रुवारी २०२४ रोजी जगभरातील चित्रपटगृहात प्रदर्शित होणार आहे. या सिनेमात यामीसोबत प्रियामणी झळकणार आहे.