अभिनेता अजय देवगणने Ajay Devgn मुंबईत बंगला विकत घेतला असून त्याची किंमत जवळपास ६० कोटी रुपये असल्याचं कळतंय. मुंबईतील जुहू Juhu परिसरात हा बंगला आहे. अजय राहत असलेल्या जुहूमधील 'शिवशक्ती' या बंगल्यापासून जवळच हा नवीन बंगला त्याने घेतला आहे. गेल्या वर्षभरापासून अजय आणि काजोल नवीन घराच्या शोधात होते. गेल्या वर्षाच्या अखेरीस त्यांनी ५९० स्क्वेअर यार्ड्सचा बंगला खरेदीसाठी निश्चित केला. (Ajay Devgn buys bungalow worth rupees 60 cr Amitabh is his neighbour)

'द कापोले को-ऑपरेटिव्ह हाऊसिंग सोसायटी'ने ७ मे रोजी वीणा वीरेंद्र देवगण आणि अजय देवगण यांच्या नावे हा बंगला हस्तांतरीत केला. अजयने घेतलेल्या या नवीन बंगल्याच्या शेजारी अक्षय कुमार, हृतिक रोशन, धर्मेंद्र आणि अमिताभ बच्चन यांचीही घरं आहेत. अमिताभ बच्चन यांनी घेतलेलं नवीन हे याच परिसरात आहे. बिग बींनी जवळपास ३१ कोटी रुपयांना ५१८४ स्क्वेअर फूटचा फ्लॅट विकत घेतला आहे. गेल्या वर्षी डिसेंबरमध्ये त्यांनी हा फ्लॅट खरेदी केला असून या वर्षी एप्रिलमध्ये त्याची नोंदणी केली.