बॉलीवूडमधील सुपर कपल रणबीर कपूर आणि आलिया भट्ट यांनी त्याच्या घरी एका परचे स्वागत केले. रणबीर आणि आलिया पालक बनल्याबद्दल चाहत्यांनाही आनंद झाला आहे आणि राहाची एक झलक पाहण्यासाठी चाहते आतुर आहेत. मात्र रणबीर कपूर आणि आलिया भट्ट यांनी त्यांच्या राहा कपूरसाठी एक महत्त्वाचं पाऊल उचललं आहे.

रणबीर आणि आलियाने आई-वडील झाल्यानंतर राहाला मीडियापासून दूर ठेवले होते, परंतु अलीकडेच या जोडप्यांनी मीडिया फोटोग्राफर्स यांच्यासाठी गेट-टूगेदर ठेवलं होतं. मीडियाशी बोलल्यानंतर रणबीर कपूरने स्वत: त्याची मुलगी राहा हिचे कधीही न पाहिलेले फोटो मीडियाला दाखवले. काही बॉलीवूड न्यूजच्या सोशल मिडिया अकाउंटने याबद्दल माहिती दिली. त्यानुसार, रणबीर कपूर आणि आलियाने राहाला दोन वर्षे पूर्ण होईपर्यंत तिचे फोटो क्लिक करू नयेत अशी विनंती केली होती.

त्याचवेळी, विरल भयानी यांनीही या जोडप्याचे कौतुक केले आणि पोस्टच्या कॅप्शनमध्ये लिहिले की, 'सुंदर कपल रणबीर कपूर आलिया भट्ट आणि नीतू कपूर यांनी मीडिया फोटोग्राफर्ससाठी खास गेट टुगेदर होस्ट केले. या जोडप्याने मीडियाला आपल्या मुलाचे फोटो न काढण्याची विनंती केली. रणबीरने आम्हाला त्याच्या फोनमध्ये बेबी राहाचा फोटो दाखवला.

आलिया भट्टने 6 नोव्हेंबर 2022 रोजी मुलगी राहा हिला जन्म दिला. तेव्हापासून आलिया भट्ट आणि रणबीरने राहासाठी नो फोटो पॉलिसी स्वीकारली होती. पहिल्यांदाच आलिया-रणबीर पिक्समध्ये मुलगी राहाची एक झलक सोशल मीडियावर दिसली जेव्हा तिचे नाव जाहीर झाले. आलियाने पोस्ट केलेल्या फोटोमध्ये मुलीचा चेहरा अस्पष्ट दिसत होता.