आलिया(Alia Bhatt)-रणबीर(Ranbir Kapoor)च्या लग्नाच्या बातम्या जेव्हापासून व्हायरल झाल्या तेव्हापासून चाहते त्यांच्या डोक्यावर कधी अक्षता पडतायत याचीच वाट पाहतायत. पण काही दिवसांपासून लग्नाच्या तारखेवरुन जो घोळ उडालाय यावरनं सोशल मीडियावर मात्र या लग्नाविषयी अतरंगी मीम्स व्हायरल होताना दिसत आहेत. काही नेटकऱ्यांनी तर यात मीडियालाही गोवलंय. लग्नाच्या निमित्तानं मीडियाच्या होणाऱ्या पळापळीवरही काही मीम्स व्हायरल होताना दिसत आहेत. तर काही नेटकऱ्यांनी कहरच केलेला दिसून आलाय. त्यांनी चक्क रणबीर-आलियाच्या आधीच्या अफेअर्सचीही मीम्सच्या माध्यमातून खिल्ली उडवली आहे.

ट्वीटरवर एका चाहत्यानं लिहिलंय,''आणखी एक बॅचलर जाळ्यात अडकला...त्यापुढे हार्टब्रेकिंग लिहित ब्रेक्रिंग हार्ट इमोजी देखील पोस्ट केलेयत. त्यावर मुलींनी एकदम शहनाझ गिलच्या स्टाईलमध्ये लिहिलंय,''क्या करु मै मर जाऊॅं....'' तर एका नेटकऱ्यानं रणबीर-मीडियाच्या लग्नाच्या बातम्यांचे कव्हरेज करणाऱ्या मीडियाची थेट नासामधील शास्त्रज्ञांचीच तुलना करुन टाकलीय. त्या मजेदार मीम्सची लिंक इथे बातमीत जोडलेले आहेत.

अनेकांनी आपापल्या डोक्यातील कल्पनेचं टोकाचं टोक गाठत मीम्स सोशल केलेयत ते पाहण्यासारखे आहेत. एक माणूस पलंगावर पैसे पसरवून त्यावर झोपलाय आणि त्याला कॅप्शन दिलंय की,''सध्या मनिष मल्होत्रा असा एन्जॉय करीत असेल''. म्हणजेच लग्नातील फॅशनेबल कपड्यांचं मोठं डील मनिषच्या हाती लागल्यानं सध्या तो पैसे मोजत बसला असेल असं या मीम मधून म्हणायचंय बहुधा.

एकानं तर थेट प्रसिद्ध मालिका 'तारक मेहता का उलटा चष्मा' मालिकेतील जेठालालला मध्ये आणलंय. ज्याचा बिचाऱ्याचा लग्नाशी दूरदूरपर्यंत संबंध नसेल. या मीममध्ये टेंटमध्ये जेठालाल छोट्या स्टोव्हवर जेवण करत बसलाय. त्याला कॅप्शन दिलंय,''सध्या रणबीर-आलियाच्या घरासमोर मीडिया अशा अवस्थेत असेल''. असे अनेक मजेदार मीम्स सोशल मीडियावर व्हायरल होताना पाहून हसून पुरती वाट लागली नाही तर नवल.

आलिया-रणबीर १४ एप्रिलला लग्न करत आहेत,आज १३ एप्रिलपासून विवाहसोहळ्यांना सुरुवात झाली देखील. त्यामुळे सोशल मीडियावरही या लग्नाची जोरदार चर्चा रंगलेली दिसतेय. अर्थातच या दोन्ही स्टार्सच्या प्रेमाखातरच सगळं होतंय बरं का. आपण आनंद घ्यायचा स्टार्सच्या लग्नाचा अन् लग्नावरनं व्हायरल होणाऱ्या मीम्सचासदेखील.