Amala Paul Wedding Photos: साऊथची प्रसिद्ध अभिनेत्री अमाला पॉल तिचा प्रियकर जगत देसाईसोबत विवाह बंधनात अडकली आहे. अमालाच्या वाढदिवशी जगतने तिला प्रपोज केले होते. त्यानंतर लगेचच दोघांनी हयात कोची बोलगट्टी येथे लग्न केले आहे.

कोचीमध्ये या कपलचे लव्हेंडर थीमवर आधारित शाही लग्न पार पडले. अमालाने पोस्ट शेअर करून ही आनंदाची बातमी सर्वांना दिली. आता या जोडप्याच्या लग्नाचे फोटोही सोशल मीडियावर समोर आले आहेत.

अमालाने सोशल मिडियावर शेयर केलेल्या फोटोंमध्ये हे कपल खुपच सुंदर दिसत आहे.मात्र यावेळी अमालानं लाल रंग नव्हे तर लव्हेंडर रंगाची निवड केली होती.

अमालाने तिच्या लग्नात लव्हेंडर लेहेंगा घातला होता आणि केस खुले ठेवले होते आणि वेव्ही लुकमध्ये फुलांनी सजवले होते. त्याचवेळी तर जगतने रंगीत शेरवानी घातली होती.

या नवदामत्याने अतिशय रोमँटिक शैली फोटो शेयर केले आहेत. दोघांच्या चेहऱ्यावर आनंद स्पष्ट दिसत आहे. फटाक्यांची आतषबाजी करुन त्यांनी आपला लग्न सोहळा साजरा केला.

अमालाचे हे फोटो शेअर करताना तिने लिहिले, 'आम्हाला एकत्र आणणाऱ्या प्रेम आणि कृपेचा उत्सव साजरा करत आहोत... #Married to my divine man... तुमचे प्रेम आणि आशीर्वाद शोधत आहोत.'

सध्या हे फोटो सोशल मिडियावर व्हायरल होत आहे. नेटकरी या फोटोंवर शुभेच्छांचा वर्षाव करत आहे. दोघांना त्यांच्या नव्या आयुष्यासाठी शुभेच्छा देत आहेत.

अमाला पॉलचे हे दुसरे लग्न आहे. तिने यापूर्वी तमिळ दिग्दर्शक एएल विजयसोबत लग्न केले होते. पण तीन वर्षांनीच दोघांनी घटस्फोट घेतला.

तर अमालाचा पती जगत हा कोण आहे हे तिच्या चाहत्यांना जाणुन घ्यायचे आहे. जगत देसाई हा गुजरातचा आहे. त्याला जिमचा शौक आहे. जगत देसाई हा गोव्यातील एका लक्झरी व्हिलाचा मॅनेजर आहे. दोघेही काही महिन्यांपासून एकमेकांना डेट करत होते. आता दोघांनी शाही विवाह केला आहे.