Anil Kapoor hint that Nayak 2: बॉलिवूडचे सुपरफिट अभिनेते अनिल कपूर सध्या त्यांच्या 'अ‍ॅनिमल' या चित्रपटामुळे चर्चेत आहे. अ‍ॅनिमल' हा सिनेमाच मुळात अनिल कपूर यांच्यासाठी झालेला आहे असं हा सिनेमा पाहिल्यानंतर वाटते.

कारण पूर्ण सिनेमात रणविजय त्याच्या वडिलांच्या हल्ल्याचा बदला घेतना दिसत आहे. अ‍ॅनिमल चित्रपटात त्यांनी साकारलेल्या बलबीर सिंहची भुमिका प्रेक्षकांना खुप आवडली.

आता या चित्रपटानंतर अनिल कपूर पुन्हा एकदा प्रेक्षकांच्या भेटीला येणार असल्याचे संकेत त्यांनी दिले आहेत. ही बातमी कळाल्यानंतर त्यांचे चाहते आनंदीत झाले आहेत.

मिडिया रिपोर्टनुसार, अनिल कपूर लवकरच त्यांच्या जुन्या व्यक्तिरेखेत दिसणार आहे. अनिल कपूरने आपल्या कारकिर्दीत अनेक हिट चित्रपट दिले आहेत. ज्यात 'मिस्टर इंडिया', 'तेजाब', 'राम लखन', 'विरासत', 'ताल' या चित्रपटांचा सामावेश आहे.

त्यात अनिल कपूरचा यांचा ब्लॉकबस्टर ठरलेला 'नायक' हा सिनेमा सर्वांच्या लक्षात असेल. या चित्रपटात त्यांनी एका दिवसाचा मुख्यमंत्री बनून लोकांची मने जिंकली होती. या चित्रपटातील अनिल कपूरने साकारलेली व्यक्तिरेखा आजही लोकांच्या लक्षात आहे.

आता अनिल कपूरने त्यांच्या 2001 मधील सुपरहिट चित्रपट 'नायक' च्या सिक्वेलबाबत हिंट दिली आहे. हा चित्रपट लवकरच प्रेक्षकांच्या भेटीला येणार आहे.

अनिल कपूर यांनी को-स्टार बॉबी देओलसोबतचा एक फोटो शेअर केला आहे. या फोटोमध्ये अनिल कपूर आणि बॉबी देओल शर्टलेस झाले आहेत.

या पोस्टवर कमेंट करत एका चाहत्याने लिहिले की, नायक 2 फिल्म बनवा सर. तुम्ही दोघेही अप्रतिम दिसत आहात. तर या चाहत्याच्या कमेंटला उत्तर देताना अनिल कपूरने लिहिले - 'लवकरच बनवत आहे.'

आता अनिल कपूर यांची प्रतिक्रिया पाहिल्यानंतर लवकरच 'नायक 2' चित्रपट येणार अशी चर्चा आहे. 2001 मध्ये रिलीज झालेल्या नायक या चित्रपटाला प्रेक्षकांचे खूप प्रेम मिळाले होते.

या चित्रपटात अनिल कपूरशिवाय राणी मुखर्जी, परेश रावल आणि अमरीश पुरी यांच्या प्रमुख भूमिका होत्या.

या चित्रपटाची कथा मुख्यमंत्री आणि राजकारणाभोवती फिरणारी दिसली होती. आता राज्याचे राजकारण पाहता पुन्हा नायक 2 चित्रपट येणार असल्याचे संकेत मिळाल्या नंतर चाहते उत्सुक आहेत.