Animal Box Office Collection Day 2: गेल्या काही दिवसांपासून चर्चेत असलेला रणबीर कपूर स्टारर 'अ‍ॅनिमल' हा सिनेमा 1 डिसेंबर रोजी थिएटरमध्ये प्रदर्शित झाला आहे. सध्या सर्वत्र अ‍ॅनिमल'ची क्रेझ पहायला मिळत आहे. बॉक्स ऑफिसवर अ‍ॅनिमलची स्पर्धा होती ती विकी कौशलच्या सॅम बहादूर चित्रपटासोबत.

या दोन्ही चित्रपटांची प्रेक्षक आतुरतेने वाट पाहत होते. आता दोन्ही चित्रपटांना प्रेक्षक आणि समीक्षकांचे चांगले प्रेम मिळत मिळाले मात्र कमाईच्या बाबतीत अ‍ॅनिमलने सॅम बहादूरला खुपच मागे टाकले आहे.

अ‍ॅनिमलने रिलिजच्या पहिल्याच दिवशी बॉक्स ऑफिसवर 60 कोटींहून अधिक कमाई केली आहे.

पहिल्या दिवसाच्या कमाईनंतर आता दुसऱ्या दिवशीही या चित्रपटाने जबरदस्त कमाई केली आहे. विकेंडच्या पहिल्याच दिवशी या चित्रपटाच्या कमाईचा आलेख उंचावला आहे.

पहिल्या दिवशी 63.8 करोड कमाई करणाऱ्या अॅनिमलनं दुसऱ्या दिवशी 66 कोटींचा टप्पा पार केला आहे.

या कमाईसोबतच दोन दिवसात या चित्रपटाने एकून 129.80 करोडची कमाई केली आहे. त्यामुळे आता रणबीरचा अ‍ॅनिमल हा या वर्षीचा सर्वात जास्त कमाई करणारा सिनेमा असू शकतो अशी अपेक्षा व्यक्त केली जात आहे.

रणबीर कपूर, अनिल कपूर, बॉबी देओल आणि रश्मिका मंदान्ना यांच्यासह अनेक कलाकारांनी या चित्रपटात महत्त्वाच्या भूमिका साकारल्या आहेत.

'अ‍ॅनिमल' चित्रपटाची कथा बाप आणि मुलाच्या प्रेमावर आधारित आहे. चित्रपटात खुपच अॅक्शन पहायला मिळते. तर चित्रपटातील रणबीरच्या वेगळ्या भूमिकेने सर्वांचे लक्ष वेधून घेतले आहे.