अनुष्का शर्मा ही नेहमीच तिच्या हटक्या लूकसाठी ओळखली जाणारी अभिनेत्री आहे. बॉलीवूडमध्ये आपल्या नावाची वेगळी ओळख अनुष्कानं तयार केली आहे. आज तिची वेगळ्या कारणामुळे चर्चा रंगली आहे. कान्स फिल्म फेस्टिव्हलमध्ये अनुष्का शर्माचे पदार्पण जोरात सुरू आहे.

अनुष्का लवकरच कान्स फिल्म फेस्टिव्हलमध्ये डेब्यू करणार असल्याचं वृत्त आहे. कान्स फिल्म फेस्टिव्हलच्या कार्यक्रमात जगभरातील महिलांना सन्मानित केले जाते ज्यात अनुष्कादेखील सहभागी होणार आहे. विशेष म्हणजे या कार्यक्रमात अनुष्कासोबत टायटॅनिक अभिनेत्री केट विन्सलेटही दिसणार आहे.

गेल्या वर्षी कान्समध्ये दीपिका पदुकोणने तिच्या मंत्रमुग्ध लूकने रेड कार्पेटवर तिचा जलवा दाखावला होता. दिपिकाही कान्स ज्युरीचा भाग होती आणि तिच्या वेळापत्रकाचा भाग म्हणून तिने अनेक स्क्रीनिंग, पॅनेल चर्चा आणि पार्ट्या केल्या.

यावर्षी अनुष्का शर्मा कान्समध्ये पदार्पण करणार असल्याचं दिसते. भारतातील फ्रान्सचे राजदूत इमॅन्युएल लेनेन यांनी ट्विटरवर विराट कोहली आणि अनुष्कासोबतचा एक फोटो शेअर केला असून, अनुष्काच्या कान फिल्म फेस्टिव्हलमध्ये सहभागी होण्याचे संकेत दिले आहेत.

भारताचे फ्रेंच राजदूत इमॅन्युएल लेनिन यांनीच अनुष्का शर्मा चित्रपट जगतातील सर्वात मोठ्या कार्यक्रमाचा भाग असेल, अशी माहिती दिली आहे.

फ्रेंच राजदूत हे अनुष्का आणि विराट कोहलीची भेट घेतली. राजदूताने ट्विटरवर ही माहिती दिली आहे.

त्याने लिहिले की, 'विराट कोहली आणि अनुष्काला भेटून छान वाटलं, आगामी स्पर्धेसाठी मी विराट आणि टीम इंडियाचे अभिनंदन केले आणि अनुष्का शर्मासोबत कान्स फिल्म फेस्टिव्हलवर चर्चा केली.

आता सोशल मिडियावर सर्वत्र अनुष्काच्या कान्स फिल्म फेस्टिव्हलच्या पदार्पणाचीच चर्चा आहे. तुम्हाला सांगतो की यापूर्वी, इतर बॉलीवूड सेलिब्रिटींमध्ये, प्रियांका चोप्रा, सोनम कपूर, मल्लिका शेरावत, पूजा हेगडे, तमन्ना भाटिया, अदिती राव हैदरी यांसारख्या अभिनेत्रींनी कान्सच्या रेड कार्पेटवर हजेरी लावली आहे.

केनेडी आणि आग्रा हे भारतीय चित्रपट यावर्षी कान्समध्ये प्रदर्शित होणार आहेत. कान्स फिल्म फेस्टिव्हल यावर्षी 16 मे ते 27 मे दरम्यान होणार आहे.