Arjun Rampal Baby Boy: बॉलिवूड अभिनेता अर्जुन रामपाल हा त्याच्या दमदार अभिनयासाठी ओळखला जातो. मात्र तो त्याच्या व्यावसायिक कामापेक्षा त्याच्या वैयक्तिक आयुष्यामुळे जास्त चर्चेत असतो. आज अर्जुन रामपालला गोड बातमी मिळाली आहे.

त्याची गर्लफ्रेंड गॅब्रिएला डेमेट्रिएड्स दुसऱ्यांदा आई बनली आहे. अर्जुन रामपाल आणि मैत्रीण गॅब्रिएलानं गुरुवारी म्हणजेच 20 जुलै रोजी त्यांच्या दुसऱ्या मुलाचं स्वागत केले. या कपला आधी एक मुलगा आहे. अर्जुनने त्याच्या चाहत्यांनसोबत ही गोड बातमी शेयर केली आहे.

अर्जुनने त्याच्या ट्विटरला ही माहिती शेयर केली आहे. त्यात त्याने लिहिले की, मला आणि माझ्या कुटुंबाला आज एका सुंदर मुलाचा आशीर्वाद मिळाला आहे. आई आणि मुलगा दोघेही चांगले आहेत. तुम्ही दिलेल्या प्रेमाबद्दल खुप आभार.. यासोबतच त्याने एक फोटोदेखील शेयर केला आहे. त्याचे चाहते त्यांच्यावर अभिनंदनचा वर्षाव करत आहे.

अर्जुन रामपाल आणि गॅब्रिएला यांची पहिली भेट एका आयपीएल सामन्यादरम्यान झाली त्यानंतर ते एकमेंकाना भेटू लागले. दोघे 2009 मध्ये पहिल्यांदा भेटले होते. त्यानंतर ते प्रेमात पडले.

गॅब्रिएलासाठी अर्जुन रामपालनं त्याचा 20 वर्षाचा संसार मोडला आणि मे 2018 पहिल्या पत्नीपासून घटस्फोट घेतला. आता तो मॉडेल गॅब्रिएला सोबत लिव्ह-इन रिलेशनशिपमध्ये आहे. या जोडप्याला आता दोन मुले आहेत.

तर अर्जुन रामपाल आणि मेहर जेसिया यांना माहिका आणि मायरा या दोन मुली आहेत. दोघेही वडिलांच्या खूप जवळचे आहेत.

अर्जुनच्या कामाबद्दल बोलायचं झालं तर तो शेवटचा कंगना राणौत विरुद्ध 'धाकड' या अॅक्शन चित्रपटात दिसला होता. आता तो अब्बास मस्तानच्या आगामी 'पेंटहाउस' चित्रपटात दिसणार आहे. याशिवाय अर्जुन 'क्रॅक' या स्पोर्ट्स अॅक्शन चित्रपटात दिसेल.