Aryan Khan Comeback On Social Media: बॉलीवूडचा बादशहा शाहरुख खानचा(Shah rukh khan) मोठा मुलगा आर्यन खान सोशल मीडिया(Social Media) आणि लाइमलाइटपासून गेले अनेक महिने दूर होता. आर्यन खान तसा बॉलीवूडमधला पॉप्युलर स्टार किड आहे. पण त्याला लाइमलाइटमध्ये राहणं फारसं पसंत नाही. तसंही हे खूप कमी वेळा घडतं जेव्हा आर्यन खान सोशल मीडियावर काही शेअर करतो. पण आता तो खास क्षण आला आहे की जेव्हा आर्यन खानने सोशल मीडियावर एक हॅप्पीवाला फोटो शेअर केला आहे.(Aryan Khan Comeback On Instagram, Shahrukh Reaction Viral)

खूप कालावधीनंतर आर्यन खान इन्स्टाग्रामवर परत आला आहे. आर्यन खानने आपल्या भावा-बहिणीसोबतचा एक फोटो शेअर केला आहे. सुहाना,अब्राहम आणि आर्यन तिघंही भावंड खूप हॅप्पी मूडमध्ये त्या फोटोत दिसत आहेत. फोटोमध्ये आर्यन,बहिण सुहाना आणि धाकटा भाऊ अब्राहम यांनी खास पोझ देत फोटो क्लिक केला आहे. सुहाना आणि अब्राहमच्या चेहऱ्यावरील गोड स्माईल जितकं लक्ष वेधून घेते तितकाच आर्यनच्या चेहऱ्यावरील थोरल्या बंधूच्या अहिर्भावातला अंदाजही लोकांना कमेंट द्यायला मजबूर करतो. त्या फोटोत आर्यन खान ऑलिव्ह ग्रीन कलरचा शर्ट,ब्लॅक जीन्स आणि लाइट ग्रीन डेनिम जॅकेट घालून दिसत आहे. तर सुहाना डेनिम लूक मध्ये आणि अब्राहमने ब्लॅक हुडी आणि ब्लू डेनिम परिधान केलं आहे.

एका फोटोत अब्राहम आणि आर्यन खान एकत्र दिसत आहेत. फोटोत आर्यन हॅंडसम दिसतोय तर अब्राहमच्या क्यूट स्माइलवर नजरा खिळल्या आहेत. या फोटोंना लाखो नेटकऱ्यांनी पसंती दर्शवली आहे तर सोशल मीडियावर फोटो व्हायरल देखील झाला आहे. आर्यन बऱ्याच दिवसांनी सोशल मीडियावर आल्यानं चर्चेतही आला आहे.

आर्यनच्या या फोटोवर लोक खूप चांगल्या प्रतिक्रिया नोंदवत आहेत. सुहाना खानने देखील फोटोवर कमेंट देताना लिहिलं आहे,'लव्ह यू'. तर हार्ट इमोजी देखील तिनं शेअर केला आहे. सुहानाने जेव्हा पाहिलं की दुसऱ्या फोटोत ती नाही तेव्हा तिनं मोठा भाऊ आर्यनला टोमणा मारत लिहिलं की,'मला फोटोतून काढून बाजूला केलं त्यासाठी धन्यवाद'.

आता आपल्या मुलांच्या या फोटोवर कमेंट करायची संधी शाहरुख कसा सोडेल बरं. त्याने देखील एक मजेदार कमेंट फोटोवर केली आहे. त्यानं लिहिलं आहे,'माझ्याकडे हे फोटो का नाहीत, मला आत्ताच्या आता हे फोटो हवेत'.

कितीतरी चाहते आर्यनच्या फोटोवर कमेंट करत आहेत. एका नेटकऱ्यानं लिहिलं आहे की, 'एका फ्रेममध्ये सगळे एकत्र खूप क्यूट दिसत आहेत'. दुसऱ्या एकानं कमेंट केली आहे की,'तुम्हा सगळ्यांना एकत्र पाहून खूप छान वाटलं'. अर्थातच जवळपास वर्षभरानं आर्यनने इन्स्टाग्रामवर कमबॅक केलं आहे त्यामुळे त्याचे चाहते खूश होणार हे तर ओघानं आलंच.