शाहरुख खानचा मुलगा आर्यन खान सध्या हा नेहमी चर्चेतच असतो. काही न करता त्याच्या चाहत्यांची संख्या बरिच आहे. काही दिवसांपुर्वी आर्यनने कपड्यांच्या ब्रँडची घोषणा केली होती. शाहरुख खानचा मुलगा आर्यन खानचा लग्झरी क्लोदिंग ब्रँड D'YAVOL X गेल्या अनेक दिवसांपासून चर्चेत आहे.

त्यांची जाहिरातही बरिच व्हायरल झाली. कारण या जाहिरीतीत आर्यन खान त्याचे वडिल शाहरुख खान देखील दिसला. आर्यनने स्वतः या जाहिरातीचे दिग्दर्शन केले होते ज्यामुळे तो चर्चेत राहिला.

पण आता या ब्रँडची वेबसाइट रविवारी लाईव्ह झाली आहे, ज्यामध्ये D'YAVOL X या ब्रँडची साईट ओपन होताच लेटेस्ट ब्रँड्सचे कपडे पाहण्यासाठी चाहत्यांची गर्दी अचानक जमली. चाहत्यांच्या आवडीनुसार अनेक ब्रँडचे हुडीज आणि टी-शर्ट D'YAVOL X वर उपलब्ध आहेत . काही चाहत्यांनी कपडे खरेदीही केले तर काहींना त्यांची किंमत पाहून धक्काच बसला.

इतकेच नाही तर कपड्यांच्या किमतीवर सोशल मीडियावर फनी मीम्सही सातत्याने व्हायरल होत आहेत.

कपड्यांची किंमत पाहून काही चाहत्यांनी ट्विटरवर आपली प्रतिक्रियाही शेअर केली. कपड्यांच्या किमतीची डिटेल ट्विटरवर शेअर करताच मीम्स व्हायरल होऊ लागले.

शाहरुखच्या फॅन क्लबकडून एक फोटो शेअर करण्यात आला आहे, ज्यामध्ये फॅन क्लबकडून चार टी-शर्ट ऑर्डर करण्यात आल्याचं सांगण्यात आलं आहे. XL आकाराच्या DyavolX डक टी-शर्ट 48,800 रुपये, XL आकारातील अल्फा टी-शर्ट 45,500 रुपये, सिग्नेचर X टी-शर्ट एल आकारात 4,01,110 रुपये आणि सिग्नेचर X टी-शर्ट लहान आकारात 200, 555 रुपये. त्यांची एकूण किंमत 6,95,965 रुपये आहे.

तर दुसऱ्या यूजरने लिहिले की, " ही काय किंमत आहे का ? 33 हजारांचा टी-शर्ट, 45 हजारांची हुडी आणि दोन लाखांच जॅकेट." तर ऐकानं लिहिलयं, "#DyavolX हे आमच्या मध्यमवर्गीय लोकांसाठी नाही. मी @iamsrk वरून काही खरेदी करू शकत असल्यास ती #JAWAN च्या तिकिटाची किंमत आहे.

स्वतःचा लग्झरी क्लोदिंग ब्रँड उघडल्यानंतर आर्यन खान दिग्दर्शनातही पदार्पण करणार आहे. तो एका वेब सीरिजचे दिग्दर्शन करत आहे. याआधी त्याने 'द लायन किंग'मधील सिम्बाच्या व्यक्तिरेखेसाठी व्हॉईस ओव्हर दिला होता.