Ashram Web Serise: ओटीटीवर गेल्या काही दिवसांपासुन प्रसिद्ध दिग्दर्शक प्रकाश झा यांच्या आश्रम वेबसीरिजची मोठ्या प्रमाणात चर्चा रंगली आहे. (Prakash Jha) नेटकऱ्यांचा तुफान प्रतिसाद या मालिकेला मिळाला आहे. गेल्या दोन्ही सीझनला प्रेक्षकांनी मोठी दाद दिली होती. तिसऱ्या सीझनला देखील निराला (entertainment news) बाबाच्या भक्तांनी पसंती दर्शवली आहे. निरनिराळ्या कारणानं ही मालिका नेहमीच सोशल मीडियावर चर्चेचा विषय राहिली आहे. बॉबी देओलनं यात बाबा निरालाची मुख्य भूमिका साकारली असून त्याच्यासोबत त्रिधा चौधरी, ईशा गुप्ता यांच्या बोल्ड भूमिकेनं आश्रमचा तिसरा सीझन आणखी रंगतदार झाला आहे.

तिसऱ्या सीझनमध्ये चाहत्यांना अपेक्षित असलेला थरार, रोमान्स पाहायला (Bobby Deol) मिळाला आहे. ओटीटीवरील सर्वाधिक वेळा पाहिली गेलेली मालिका म्हणून आश्रम या मालिकेचा क्रमांक पहिल्या पाच मध्ये येतो. आता ही मालिका आणखी एका वेगळ्या कारणासाठी चर्चेत आली आहे. तिसऱ्या मालिकेचं (Bollywood News) चित्रिकरण जेव्हा सुरु होतं तेव्हा दिग्दर्शक प्रकाश झा यांना मारहाण झाल्याचे व्हिडिओ समोर आले होते. काही कट्टर धर्मवादी संघटनांनी आश्रमच्या सेटवर गोंधळ घातला होता. ही मालिका एका प्रसिद्ध बाबाच्या आयुष्यावर बेतलेली आहे. अशी चर्चा आहे. त्यामुळे त्या बाबाचे चरित्र मलीन करण्याचा आरोप मालिकेवर करण्यात आला होता.

आश्रम मालिकेतील सुंदर सेटची सध्या सोशल मीडियावर चर्चा आहे. त्यातील निराला बाबाचा जो आश्रम आहे त्याच्याबाबत नेटकऱ्यांना कौतूक आहे. आश्रमच्या तिसऱ्या सीझनची शुटींग ही मध्यप्रदेशातील भोपाळमध्ये झाली. भोपाळमधील अनेक ठिकाणी वेगवेगळे प्रसंग चित्रित करण्यात आले आहे. निराला बाबाचा जो आश्रम दाखवण्यात आला आहे तो भोपाळमध्ये असणारा नस अस सबा पॅलेस आहे. भोपाळ येथील कोफेहिजा स्थित असणारा हा भव्य पॅलेस 18 एकरमध्ये पसरला आहे. 1920 मध्ये पॅलेसची निर्मिती करण्यात आली होती. भोपाळचा शेवटचा नवाब हमीदुल्लाह खान यानं आपली मुलगी आबिदासाठी हा पॅलेस तयार केला.

बऱ्याच लोकांना एक गोष्ट माहिती नाही ती म्हणजे, नवाब हमीदुल्लाह खान हे बॉलीवूडमधला प्रसिद्ध अभिनेता सैफ अली खान याची आजी बेगम साजिदा सुलतानचे वडिल होते. त्यामुळे आश्रम मालिकेशी सैफ अली खानशी अशाप्रकारे खास नातं असल्याचे सांगण्यात येत आहे.