बॉलिवूड अभिनेत्री अथिया शेट्टी आणि भारतीय क्रिकेटर केएल राहुलच्या लग्नाची चर्चा ही गेल्या काही दिवसांपासून सुरु आहे. आज दोघेही एका इंटिमेट वेडिंग फंक्शनमध्ये लग्नाच्या बेडीत अडकणार आहेत. त्याच्या मंडप सजला आहे, वधू-वरांचीही सर्व तयारी झाली आहे.

अथिया आणि केएल राहुल हे विवाह बंधनात अडकतील. लग्नाची सर्व तयारीही पूर्ण झाली आहे. दुसरीकडे, लेटेस्ट अपडेट समोर आली आहे. ही जोडी आज दुपारी चार वाजता सात फेऱ्या घेणार आहे. लग्नानंतर संध्याकाळी साडेसहा वाजता हे जोडपे पापाराझींसमोर येतील. त्याचबरोबर या लग्नाला फक्त 100 लोक येणार आहेत.

काल दिवसापासूनच प्री-वेडिंग फंक्शन्स सुरू झाले आहेत. ज्याचे व्हिडिओ सोशल मीडियावर व्हायरल होत आहेत.

अथिया आणि केएल राहुलच्या लग्नात सहभागी होण्यासाठी पाहुणे येण्यास सुरुवात झाली आहे. या लग्नाला फक्त 100 लोक येणार आहेत. त्यापैकी काहींची नावे समोर आली आहेत. सोशल मीडियावर काही व्हिडिओ व्हायरल होत आहेत. अर्जुन कपूर, पंजाबी गायक गिप्पी ग्रेवाल आणि प्रसिद्ध छायाचित्रकार रोहन श्रेष्ठ यांनी कार्यक्रमाला हजेरी लावली आहे.

रात्री म्हणजेच रविवारी अथिया शेट्टी आणि केएल राहुल यांचा संगीताचा कार्यक्रम काल झाला. मिळालेल्या माहितीनुसार, या जोडप्याने त्यांच्या लग्नात नो फोन पॉलिसीही ठेवली आहे. त्यामुळे लग्नाला येणाऱ्या पाहुण्याना फोनशिवाय लग्न मंडपात हजेरी लाववी लागणार आहे.

त्याचवेळी संगीत फंक्शनचा एक व्हिडिओ सोशल मीडियावर चांगलाच व्हायरल होत आहे. ज्यात 'हम्मा हुम्मा', 'जुम्मा चुम्मा' सारख्या गाण्यांनी वऱ्हाडी नाचतांना दिसताय. या प्रसंगाचा आणखी एक व्हिडिओ देखील समोर आला आहे ज्यामध्ये 'पठाण' मधील 'बेशरम रंग' देखील वाजताना ऐकू येत आहे. व्हिडिओमध्ये सुनील शेट्टीचा खंडाळा बंगला नववधूसारखा सजलेला दिसत आहे.