Summet Pusavle at Kolhapur: कलर्स मराठीवरील 'बाळूमामाच्या नावानं चांगभलं' या मालिकेतून लोकप्रिय झालेला अभिनेता म्हणजे सुमित पुसावळे. सूमित पुसावळेने मोनिका महाजन सोबत १४ डिसेंबरला लग्न केलं. लग्नानंतर सुद्धा सुमित पुसावळेने चर्चेत आहे. सुमित बायकोसोबतचे अनेक फोटो आणि व्हिडिओ सोशल मीडियावर शेयर करत असतो. सुमित आणि मोनिका पुन्हा एकदा चर्चेत आले आहेत.

सुमितने मोनिका सोबत कोल्हापूरला महालक्ष्मी मंदिरात दर्शन घेतलं. लग्नानंतर सुमित ठिकठिकाणी बायकोसोबत देवदर्शनाला जात आहे. लग्नानंतर सुमित पहिल्यांदाच कोल्हापूरच्या महालक्ष्मी मंदिरात गेला. महालक्ष्मी मंदिरात गेल्यावर सुमितच्या चाहत्यांनी त्याला भेटण्यासाठी गर्दी केली. अगदी पोलिसांपासून सामान्य माणसांपर्यंत प्रत्येक जण सुमितला भेटण्यासाठी उत्सुक होते. फॅन्सनी सुमित सोबत फोटोही काढला.

सुमित आणि मोनिकाने १४ डिसेंबरला थाटामाटात लग्न केलं. या दोघांचा सांगोला येथे विवाहसोहळा अगदी थाटामाटात पार पडला. या लग्नाला सुमितचे सहकलाकार, मित्र मंडळी तसेच नातेवाईकांनी हजेरी लावली होती. याशिवाय मराठी मनोरंजन विश्वातील अनेक सेलिब्रिटींनी सुमितवर सोशल मीडियाच्या माध्यमातून अभिनंदनाचा वर्षाव केला आहे.

लागीरं झालं जी या मालिकेतून सुमितने छोट्या पडद्यावर अभिनय क्षेत्रात पदार्पण केलं. सुमित या मालिकेत छोटयाश्या पण महत्वाच्या भूमिकेत दिसला. स्वराज्यरक्षक संभाजी या मालिकेत सुद्धा सुमितने ऐतिहासिक भूमिका साकारली. पुढे बाळूमामाच्या नावाने चांगभलं या मालिकेने सुमितला खऱ्या अर्थाने लोकप्रियता मिळवून दिली. या मालिकेत सुमीत संत बाळूमामांची भूमिका साकारत आहे.

गेली जवळपास ४ वर्ष सुमित बाळुमामाच्या नावानं चांगभलं मालिकेतून प्रेक्षकांचं मनोरंजन करत आहे. अनेक ठिकाणी बाळूमामाची भूमिका साकारणारा सुमित पुसावळेच्या लोकं पाया पडतात. सुमित आणि मोनिका या न्यू ली वेड कपलची सगळीकडे चर्चा असते. लग्नाआधी सुमित आणि मोनिका यांचे फोटोशूट चर्चेत होतं. दोघांनी रोमँटीक आणि हटके फोटोशूट केलेलं.