डिस्को म्युझिकची क्रेझ भारतातील म्युझिक लव्हर्समध्ये निर्माण करण्यात दिवंगत ज्येष्ठ संगीतकार-गायक बप्पी लाहिरीं(Bappi Lahiri) चा मोठा वाटा आहे. ८०-९० सालात जेव्हा पार्टीज् आयोजित केल्या जायच्या तेव्हा तिथे बप्पी लाहिरींच्या गाण्यांशिवाय कुठल्याच गाण्याला थारा नसायचा. आपल्या संगीतातील अमूल्य कार्यामुळे अनेक पारितोषिकांनी गौरविल्या गेलेल्या बप्पी लाहिरी यांचं १५ फेब्रुवारी २०२२ मध्ये निधन झालं आणि बॉलीवूडच्या म्युझिक इंडस्ट्रीचं मोठं नुकसान झालं. त्यांच्या निधनानंतर मुलगा बाप्पा लाहिरी यानं त्यांच्या काही इच्छा एका मुलाखतीत बोलून दाखवल्या आहेत.

बप्पी लाहिरीनं मुलाखतीत सांगितलं की तो आपल्या वडिलांवर एक बायोपीक काढण्याचा विचार करीत आहे. पण तुम्हाला माहित आहे का की बप्पी लाहिरींना आपल्यावर बनणाऱ्या बायोपीकमध्ये कोणत्या अभिनेत्याला घेण्याची इच्छा व्यक्त केली होती. बप्पी लाहिरींनी ते नाव आधीच पक्क करुन ठेवलं आहे. ते नाव आहे बॉलीवूडचा 'गली बॉय' रणवीर सिंग. अभिनेता रणवीर सिंगनं आपल्या बायोपीकमध्ये काम करावं अशी इच्छा बप्पी लाहिरींनी त्याच्याजवळ देखील बोलून दाखवली होती..

बप्पी लाहिरी यांचा मुलगा बाप्पा लाहिरीनं इंडिया टूडेला दिलेल्या मुलाखतीत सांगितलं की,''बप्पी लाहिरी यांची इच्छा होती की त्यांच्या बायोपीकमध्ये रणवीर सिंगने काम करावे. तीन चार-वर्षांपूर्वी यासंदर्भात रणवीर सिंग आणि निर्मात्यांशी बोलणं झालं होतं. माझ्या वडिलांना (बप्पी लाहिरी) रणवीर खूप आवडायचा. त्यांची जबरदस्त इच्छा होती रणवीरनं त्यांच्या बायोपीकमध्ये काम करावं .कोणी दुसऱ्याचा विचार करण्यापेक्षा बायोपीक बनवताना त्यामुळे आधी रणवीर सिंगचाच विचार होणार. बघू सगळं नीट जुळून आलं तर कदाचित लवकरच रणवीर बप्पी लाहिरी यांच्या बायोपीक मध्ये दिसेल''.