Bigg Boss 16 Finalist Shiv Thakare : बिग बॉसचा शेवटचा टप्पा आता जवळ आला आहे. आज होणाऱ्या फिनालेमध्ये विजेत्याचं नाव घोषित केलं जाणार आहे. मात्र यासगळ्यात काही विजेत्यांची नावं ही चर्चेत आली आहे. त्यामध्ये मराठमोळ्या शिव ठाकरेनं सगळ्यांचे लक्ष वेधून घेतले आहे. यापूर्वी मराठी बिग बॉसमध्ये विजेतेपद मिळवलेल्या शिवकडून हिंदी बिग बॉसमध्ये मोठ्या अपेक्षा केल्या जात आहेत.

बिग बॉसच्या सोळाव्या सीझनमध्ये शिव ठाकरेनं आपल्या नावाची जादु कायम ठेवली आहे. त्यानं या शो मधून लाखोच्या संख्येनं चाहतावर्ग जोडला आहे. बिग बॉसच्या घरात शिवनं केलेल्या परफॉर्मनन्सनं चाहत्यांना जिंकून घेतलं आहे. आता बिग बॉसच्या घरात शालिन भनोत, अर्चना गौतम, प्रियंका चौधरी, शिव ठाकरे, एमसी स्टॅन हे स्पर्धक आहेत. यांच्यापैकी कोण जिंकणार याकडे सगळ्यांचे लक्ष लागले आहे.

Also Read - अल्पमतातील निवाडे आणि सामान्य माणूस

यात शिवकडून चाहत्यांना खूप अपेक्षा आहेत, त्यानं मराठी बिग बॉसप्रमाणेच या शोमध्ये देखील विजेतेपद मिळवावं असे चाहत्यांना वाटते. बिग बॉसपर्यतचा त्याचा प्रवास मोठा खडतर असल्याचे दिसून आले आहे. शिवचा मनोरंजन क्षेत्रातील एकुणच प्रवास संघर्षमय होता. आज भलेही शिवला सारा देश ओळखत असला तरी कोणेएकेकाळी त्याला खूप कष्ट करावे लागले आहे. दुधाच्या बाटल्या घरोघरी पोहचवण्यापासून पेपर विकण्यापर्यतची कामं त्यानं केली आहेत.

सोशल मीडियावर मराठमोळ्या शिवचा फॅन क्लब जास्त आहे. एका चाळीत जन्म झालेल्या शिवनं आता हिंदी बिग बॉसच्या ट्रॉफीवर नाव कोरावं अशी त्याच्या लाखो चाहत्यांची इच्छा आहे. आता मराठी मनोरंजन विश्वातील मोठं नावं म्हणून शिवची लोकप्रियता सगळीकडे झाली आहे. यंदाच्या बिग बॉसच्या पर्वामध्ये नशीब त्याच्या बाजुनं झुकणार की त्याला नाराज करणार हे पाहणे उत्सुकतेचे ठरणार आहे.