MC Stan Debut: गेल्या काही दिवसांपासून सलमान खानची भाची अलिजेह अग्निहोत्री तिच्या डेब्यू चित्रपटासाठी चर्चेत होती. अलिजेह अग्निहोत्रीच्या 'फर्रे' चित्रपटाचा ट्रेलर नुकताच रिलीज झाला आहे.

सलमान खान फिल्म्सच्या बॅनरखाली तयार झालेल्या या चित्रपटाच्या ट्रेलरमधील अलिझेहचा अभिनय पाहिल्यानंतर सर्वांनी तिचे कौतुक केले आहे.

मात्र या ट्रेलरमध्ये अलिझेहपेक्षा चित्रपटातील शेवटच्या आवाजाने सर्वांचे लक्ष वेधुन घेतेल आहे. तर हा आवाज आहे 'बिग बॉस 16'चा विजेता एमसी स्टॅनचा.

होय, तर विजेता एमसी स्टॅनच्या चाहत्यांसाठी ही मोठी आनंदाची बातमी ठरणार आहे. सलमान खानच्या फर्रे या चित्रपटातून एमसी स्टॅन हा बॉलिवूडमध्ये पार्श्वगायक म्हणून पदार्पण करत आहे. आता स्वत: स्टॅनने ही बातमी चाहत्यांना सांगितली आहे.

एम स्टॅनने अलिजेह अग्निहोत्रीच्या फर्रेचा ट्रेलर शेअर करताना लिहिले की, बॉलिवूड चित्रपटांमध्ये गाण्यासाठी तयार आहे. पुढे एमसी स्टॅनने लिहिले, 'टायटल ट्रॅक, सलमान खानच्या चित्रपटातून माझे पार्श्व पदार्पण, बॉलिवूडमध्ये प्रवेश.' फर्रेचे टायटल ट्रँक स्टॅनने गायिले आहे.

स्टॅनच्या या घोषणेनंतर चाहते खुप खुश आहेत त्यांनी सोशल मिडियावर त्याचे कौतुक करत अभिनंदनाचा वर्षाव केला आहे.

फर्रे हा चित्रपट 24 नोव्हेंबरला सर्वत्र प्रदर्शित होणार आहे. या चित्रपटातूनच अलिजेह अग्निहोत्री बॉलिवूडमध्ये पाऊल ठेवणार आहे. या चित्रपटात अलिझेह व्यतिरिक्त सौमेंद्र पाधी, साहिल मेहता, जेन शॉ, प्रसन्ना बिश्त आणि रोनित बोस रॉय यांच्या महत्वाच्या भुमिका आहेत. ट्रेलर नुसार 'फर्रे' हा एक थ्रिलर चित्रपट आहे, ज्यामध्ये अलिझेह एका विद्यार्थिनीची भूमिका साकारत आहे.