Bollywood News: बॉलीवूडमधील प्रथितयश दिग्दर्शक म्हणून सुभाष घई यांचे नाव घेतले जाते. त्यांनी आतापर्यत वेगवेगळ्या प्रकारच्या कलाकृती (entertainment news) बॉलीवूडला दिल्या आहेत. ते एक यशस्वी निर्माते देखील आहेत. बॉलीवूडला उत्तमोत्तम अभिनेते देण्याचे श्रेय घई यांना जाते. त्यांचे सिनेमाचे वेगळेपण अद्याप चाहत्यांच्या मनात कायम आहे. सौदागर (Bollywood Movies) असो वा राम लखन, खलनायक असो किंवा परदेश, त्यामध्ये त्यांनी मानवी नात्यांमधील संवेदनशीलता प्रभावीपणे साकारली आहे. घई यांचा एक व्हिडिओ सध्या सोशल मीडियावर व्हायरल झाला आहे.
सुभाष घई हे बॉलिवूडमधील एक आघाडीचे दिग्दर्शक. आजवर त्यांच्या अनेक कलाकृती रसिकांनी लोकप्रिय केल्या. घई सोशल मीडियावरही अतिशय सक्रिय असतात. आपल्या व्यावसायिक आणि खासगी आयुष्यातले विविध क्षण ते आवर्जून चाहत्यांसोबत शेअर करत असतात. असाच एक प्रसंग आज त्यांनी 'कू 'वर पोस्ट केला आहे. यात घई यांचा एक वेगळाच पैलू समोर आला आहे. दिग्दर्शक असलेल्या घई यांचं संगीतप्रेम यात दिसतं आहे.
घई व्हिडिओमध्ये अतिशय सुरेख पियानो वाजवत आहेत. सोबतच त्यांनी एक पोस्टही लिहिली आहे. त्यात ते म्हणतात, 'संगीत हे माझ्यासाठी नेहमीच मेडिटेशनसारखे राहिले आहे. एकतर मी तल्लीन होऊन संगीत ऐकतो, गुणगुणतो किंवा स्वतः धुन तयार करतो. सोबतच मी ध्यान करतानाही संगीत ऐकतो. तर हे आहे माझे घर, माझा पियानो! ' घई यांचे हे रूप चाहत्यांनी बेहद आवडते आहे. अनेकांनी घई यांच्या पोस्टवर विविध कमेंट्स करत पोस्ट री कू केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.